تامر حسني ذكي وفاضل إنه ينجج كـ مدير تصوير.. أبرز تصريحات حميد الشاعري التلفزيونية
حل الفنان حميد الشاعري، ضيفًا على أحد البرامج التلفزيونية، وتحدث عن علاقته بـ أصدقائه بالوسط الفني، بجانب الحديث عن حياته الشخصية.
ويعرض لكم القاهرة 24 أبرز تصريحات حميد الشاعري التلفزيونية:
- الفلوس شيء جميل ومهم جدًا، ولكن أنا اتجهت للتمثيل في الوقت اللي كنت موقوف فيه من نقابة المهن الموسيقية.
- عمري ما قدمت عمل فني بغرض السبوبة.
- فيلم أيظن كان معمول لـ تامر حسني.
- تامر حسني كان عنده طموح يبقى مؤلف ومخرج وممثل وفيلم بحبك نجح وجودة الفيلم كانت كويسة.
- تامر حسني مش أول مرة يألف وهو ذكي جدًا، ونجح كمغني وممثل وملحن ومخرج، فاضل ينجح كمدير تصوير.
- محستش بقهر أو إني مخدتش حقي في التمثيل، لأني كنت ضيف على السينما وكانت خطوة جميلة.
- أنا اتجوزت 5 مرات والجواز حلالي بلالي.
- أكبر عدد كان على ذمتي كان زوجة واحدة فقط، أنا مش مجنون علشات اتجوز 2 على بعض.
- عمري في حياتي ما خنت زوجة من زوجاتي وأنا عاطفي.
- الجواز بالنسبة لي نظارة فيها زجاجتين بنشوف مع بعض الدنيا.
- أنا مش بحمل المرأة كل المشاكل والخلافات والرجالة صعبين برضو.
- أهلي وإخواتي وأعمامي وأهلي من والدتي كلهم من ليبيا.
- بقول للشعب الليبي والنبي اهتموا ببلدكم والكيكة كبيرة هتكفي الجميع، وبلد بدون جيش زي المرأة المستباحة من الجميع.
- مصر أعطتني اللي عمري ما أحلم به، وربنا يحمي هذا البلد دي وغلاوة مصر عندي كبيرة.
- اللى عامل أسعار حفلاته بأسعار كبيرة اللي معاه يروح واللي مش معاه ميروحش.
- في حفلاتي كنت بطلب أن الجمهور كله يدخل وبيبقى في تعاون وبعمل حفلات مش بالأسعار الحالية.
