شيرين: أنا ضد التبرع للغارمات.. وعايزين نعمل أفلام مؤثرة عن زواج القاصرات
حرصت الفنانة شيرين على حضور ندوة الدكتورة نيفين القباج وزيرة التضامن الاجتماعي، وذلك خلال فعاليات مهرجان الإسكندرية السينمائي لدول البحر المتوسط في دورته الـ 38.
شيرين: أنا ضد التبرع للغارمات
وقالت شيرين خلال الندوة: أنا عايزة أشكر حضرتك على حاجات كتير عملتيها، ولكن اسمحوا لي أقول إني ضد التبرع للغارمات، وعارفه إني هتهاجم على الكلام ده.
وأضافت: بسمع إن الناس بتتبرع للغارمات.. لكن دول ناس فكرهم مترسخ ومتأصل بأفكار من سنين، زي أنهم يجيبوا 12 ملاية مع إن كفاية 4 بس، و2 تلاجة و4 شاشات و3 بوتجازات، وفي الآخر نسأل البنات ونلاقيهم ميعرفوش يطبخوا.
وتابعت شيرين: عايزين نعمل أفلام مؤثرة مش كارتون بس عن دور الأب والأم في مشكلة الزواج المبكر، والزواج مبقاش عند سن 18سنة وعند المأذون، بقى من 12 سنة والأهالي بتعمل جلسة عرفية ويجوزوا العيال، والبنت تخلف في سن 13 سنة وتموت في سن 14 من الضعف اللي بيكون فيه جسمها، والجدة تربي الابن، والزوج يتجوز تاني.
