حاول يوقفني معرفش.. تفاصيل اعترافات السائق المتهور على طريق السويس
تنظر الدائرة 11 بمحكمة جنوب القاهرة المنعقدة في التجمع الخامس بعد قليل، أولى جلسات محاكمة المتهم بقيادة سيارته برعونة على طريق السويس، والمعروفة إعلاميًا بـ السائق المخمور بطريق القاهرة السويس.
اعترافات السائق المتهور على طريق السويس
واستمعت جهات التحقيق إلى المتهم بقيادة سيارة متهورًا، وتعريض حياته وحياة الآخرين للخطر على طريق السويس.
س: هل أنت الذي يظهر بالفيديو المعروض عليك؟
ج: أيوه
س: ما تفاصيل الواقعة المعروضة عليك؟
ج: اللي حصل إنه وأنا بجري بعربيتي على الطريق وبزنق على عربية الشرطة عشان متعديش وساعتها مفيش ولا عربية ثانية عدت مني وأنا مكنتش بخبط حد ساعتها، أنا بس كنت بهوش عشان مطلعش عربية الشرطة قدامي وفجأة فوجئت إن العربيات الملاكي اللي ورايا قاعدين يوسعوا للعربية اللوري ولقيت العربية اللوري بتحاول إنها تعدي مني عشان يوقفني بس معرفش وكانت محاولة فاشلة منه، فقررت إني أفرمل قدامها فخبطني من ورا وبعدين لما طلع قدامي تاني حاول يزنق عليا عشان يوقفني بس معرفش.
س: ما سبب قيام السيارة اللوري بالاصطدام بك آنذاك؟ وما علاقتك بقائد السيارة اللوري؟
ج: عشان هو كان عاوز يقطع عليا الطريق وأنا فرملت قدامه عشان أمنعه فخبطني وأنا معرفوش.
س: ما تفاصيل وبيانات السيارات اللوري آنفة البيان؟
ج: أنا معرفش مين اللي كان سايقها ومعرفش أرقامها أو أي حاجة عنها.
س: ما سبب قيامك بالانحراف يمينا ويسارا على قائدي السيارات المارة؟
ج: أنا مكنتش عاوز حد يعدي مني عشان كانوا كلهم بيحاولوا يوقفوني وأنا مش عاوز أخبط حد والانحراف يمينا ويسارا كان بسبب ملاحقتهم لسيارتي.
وفي سيقا متصل، كان النائب العام المستشار حمادة الصاوي، أمر بإحالة المتهم إلى محكمة الجنايات، بعد ورود تقرير المعامل المركزية بمصلحة الطب الشرعي، التي أثبت بالعينات المأخوذة من المتهم على نواتج تعاطي جوهري الأمفيتامين والميثامفيتامين المخدرين المدرجين بالجدول الأول من قانون مكافحة المخدرات.
وأوضحت التحقيقات، أن تقرير المعمل الكيماوي ثبت أن المضبوطات عبارة عن قرص ثبت احتوائه على جوهر الترامادول المخدر، وأن الأنبوبة الزجاجية المضبوطة أداة تعاطي، عُثر بها على آثار لجوهر الميثامفيتامين المدرج بالجدول الأول من قانون مكافحة المخدرات.
وثبتت بمشاهدة النيابة العامة للمقطع المصور المتداول على مواقع التواصل الاجتماعي قيادة المتهم للسيارة أنه بحالة تدل على كونه تحت تأثير مخدر، ومن شأنها تعريض حياة المارة للخطر.
