رامي إمام عن الزعيم: مستمع جدًا بحياته ولما نتكلم عن الشغل بيقول أنا عملت كل حاجة
تحدث المخرج رامي إمام، والده الزعيم عادل إمام، معلقًا على الشائعات التي طالته خلال الفترة الماضية، مؤكدًا أن الزعيم يتمتع بالصحة.
وقال رامي إمام، في تصريحات تلفزيونية، عن الفنان عادل إمام: إحنا اتعودنا على الشائعات من زمان جدًا وبقت جزء من حياتنا، وهو عودنا إننا منزعلش، وهو الحمد لله زي الفل وبيستمتع بحياته جدًا مع أحفاده، وهو عمل كل حاجة في حياته ويوم ما يكون هيعمل حاجة لازم تكون حلوة، هو بيقول لو عايزين أعمل حاجة هاتوا حاجة حلوة تعجبني، ولغاية النهاردة بنتكلم على الشغل، وصعب جدًا نختار موضوع لـ عادل إمام، وصل لمرحلة إنه بيقول أنا عملت كل حاجة في الدنيا، وجبتله كلب صغير وبيلعب معاه.
وتابع: هو دلوقتي بيستمتع مع أحفاده، لأنه مشفناش في حياته كتير، وأكيد كلنا في وقت من الأوقات هنقول خلاص يا جماعة أنا هختار أعمالي ومش هنزل غير للعزيز الغالي، ومن حق عادل إمام إنه يعمل اللي هو عايزه، هو بيتابع الأخبار أكتر مننا، وبيقرأ جرايد، وبيحل الكلمات المتقاطعة.
أما عن فيلم الواد وأبوه، فعلق رامي إمام قائلًا: الفكر طلعت لما والدي قالي أنا نفسي أعمل فيلم أنا ومحمد وأنت تخرجه، الفكرة لسه موجودة، ولكن مفيش أي تطور.
رامي إمام
كما تحدث رامي إمام، خلال تصريحاته، عن نجاح فيلمه فضل ونعمة، قائلًا: مش مطلوب من الكوميديان إنه يضحك، المطلوب منه إنه يمثل، ومن الدراما هتجيب الضحك، الفكرة حلوة مشاهد كتير في الفيلم فكرتهم حلوة، إن زوجين يدخلوا يغنوا راب بصدفة بحتة دي جديدة، كتابة الفيلم مهمة جدًا، أنا بقالي فترة كبيرة جدًا مشوفتش مخرج ماشي ورا الفيلم بالشكل ده.
