شيرين عبد الوهاب: روحي رجعت لي في مهرجان قرطاج.. ومكنتش قادرة أقف على رجلي
كشفت الفنانة شيرين عبد الوهاب كواليس حفلها في ختام مهرجان قرطاج في تونس، مشيرة إلى أن الله منحها القدرة على الغناء، بجانب الحديث عن مقابلتها مع الفنانة سميرة سعيد.
وقالت شيرين عبد الوهاب خلال لقائها مع الإعلامية إسعاد يونس في برنامج صاحبة السعادة: أنا صحيًا مكنتش قادرة أقف على رجلي في حفل قرطاج، وكنت بعرق على المسرح من تعبي ومش مصدقة إني قدرت أغني وأحيي الحفلة، ووقفت بقدرة ربنا، وكانوا حاطين ليا 4 كراسي على المسرح عشان لو وقعت أي لحظة، ولكن روحي رجعت لي ورجعت أتنفس.
وأضافت شيرين عبد الوهاب: أنا رجعت لحياتي وصحابي وروحت لـ سميرة سعيد البيت أبارك لها على أغنية كرباج، وروحت لها لما اتعافيت لأني لازم أزورها وأنا حلوة ومقدرتش أشوفها وأنا جوايا طاقة سلبية.
وسبق وتطرقت شيرين للحديث عن بداياتها في مجال الفن، قائلة: أنا بحب الشقا اللي شقيته في بدايتي، وبحب عزة نفسي مع إني مش بسمع النصائح اللي لها دعوة بقلبي ولكن دلوقتي أنا اتعلمت، وأنا مدلعة بـ حب الناس، وحاسة إن الجمهور مسئول عني وبقول لهم شكرا ليكم من غيركم عمري ما كنت هقدر أرجع.
ومن ناحية أخرى، تعيش شيرين عبد الوهاب حالة من النشاط على المستوى الفني، حيث أحيت العديد من الحفلات بحضور كامل العدد من بينها حفلها الأخيرة في جامعة مصر للعلوم والتكنولوجيا.
