محمود الليثي: مصطفى كامل راجل محترم ومبحبش أظهر على كتف حد
أعرب الفنان محمود الليثي، عن استيائه من بعض رواد مواقع التواصل الاجتماعي، بسبب تعليقهم على عدم سلامه على الفنان مصطفى كامل، خلال حضوره انتخابات نقابة المهن الموسيقية، التي أقيمت أمس الثلاثاء، مؤكدا أنه كان يدعم جميع المرشحين بهدف الحفاظ على أعضاء النقابة وليس لمصلحة شخصية.
تصريحات محمود الليثي
ونشر محمود الليثي، مقطع فيديو عبر حسابه الشخصي بموقع انستجرام قال فيه: في واحد عامل فيديو على التيك توك، بيقول إني مسلمتش على مصطفى كامل في الانتخابات وسلمت عليه لما أصبح عضو نقابة المهن الموسيقية، وهذا غير صحيح.
وأضاف محمود الليثي، أنه عندما وصل مقر انتخابات النقابة لم يرى مصطفى كامل، وسلم على باقي الأعضاء والمرشحين، ثم اتجه إلى لجنة المايسترو مصطفى حلمي والفنانة سوما.
وخلال حديث محمود الليثي، وجه الشكر لموقع القاهرة 24، على تغطيته المتميزة في انتخابات نقابة المهن الموسيقية وعلى مصداقيته في نقل الأخبار ومتابعة الأحداث، قائلا: ولما كنت بسجل مع القاهرة 24، مشكورين سألوني أنت مسلمتش على مصطفى كامل، قولت إزاي ده راجل محترم وأنا معنديش مشكلة معاه وفوق الأدب.
واستكمل محمود الليثي: أنا كنت من الناس اللي ليه خير عليهم في فترة معينه في حياتي، ولما شوفته سلمت عليه وهو حد جميل سلم عليا بحب وقالي إنت أخويا يا محمود.
وواصل محمود الليثي: لكن أسمع إني مسلمتش عليه ولما بقى نقيب سلمت عليه ازاي أنا طول الفترة اللي فاتت أقول ربنا يولي الأصلح، ثاني حاجة المقاعد دي بتتغير النهاردة هو معانا بعد كده ربنا العالم وإحنا قولنا يارب الأصلح وربنا اختاره، الراجل قيمة وفوق راسنا وإحنا كلنا ملناش طلبات غير الموسيقى.
وأضاف محمود الليثي: أنا مش ضده ولا ضد غيره، أنا ضد أي واحد ميشوفش طلبات الموسيقى وأنا قعدت 8 سنوات مع أستاذ هاني، عمري ما روحت في مشكلة، أنا مليش طلبات أنا راجل في حالي مش بحب أطبل ولا غيره بعد إذن الراجل اللي عمل التيك توك يشيل الكلام اللي عليه أنا مش محتاج أظهر على كتف حد.
