ميدو: تعاقد الأهلي مع سافيو سيكون جريمة كروية حال إيقافه
تحدث أحمد حسام ميدو نجم الزمالك السابق، عن تعاقد الأهلي مع البرازيلي برونو سافيو، خلال فترة الانتقالات الصيفية الحالية.
تصريحات أحمد حسام ميدو
وقال ميدو في تصريحات تلفزيونية: إيه الداعي إن الأهلي يغامر ويروح يتعاقد مع لاعب معرض للإيقاف، برونو سافيو مش ميسي ولا مارادونا، هو لاعب كويس لكن مش مستاهل إني أغامر عشانه.
وأضاف: محدش هيقول الكلام ده في الإعلام، الكل هيتناول الموضوع كخبر لكن محدش هيلوم على المسؤولين في الأهلي لو اللاعب اتوقف، ولو برونو سافيو أتوقف 6 أشهر هيفشل في مصر.
وتابع نجم الزمالك السابق: لو برونو سافيو تعرض للإيقاف بالفعل من جانب الاتحاد الدولي لكرة القدم، فتعاقد الأهلي معه سيكون جريمة كروية، وبالنسبة لي علامة استفهام التعاقد مع لاعب بملايين واللاعب معرض للإيقاف.
وواصل ميدو: لو الأهلي تعاقد مع برونو دون علم النادي بهذه الواقعة، فلازم الأهلي يراجع نفسه من جديد.
ميدو لـ مرتضى منصور: لازم الزمالك يتعلم من غلطاته
وفي سياق آخر، طالب ميدو، مرتضى منصور رئيس نادي الزمالك بمنع أعضاء مجلس إدارة النادي من الإدلاء بأي تصريحات تخص فريق الكرة الأول بالنادي.
وواصل ميدو: لازم الزمالك يتعلم من غلطاته، مينفعش اللي حصل قبل كدة مع فيريرا يتكرر، وأنا شايف بوادر أزمة الزمالك بيصدرها لنفسه.
وأكمل حديثه: فيريرا أساس نجاح الزمالك، ولو مكنش معاه فيريرا في الموسم اللي فات مكنش هيكسب حاجة خالص.
