سلوى عثمان: متفائلة بتولي حسين فهمي رئاسة مهرجان القاهرة لأنه بيعرف يدير
أشادت الفنانة سلوى عثمان بالفنان حسين فهمي مع قرب انطلاق مهرجان القاهرة السينمائي الذي يتولى رئاسته، والذي من المقررر انطلاقه يوم 13 من شهر نوفمبر المقبل وحتي يوم 22 من نفس الشهر.
وقالت سلوى عثمان لـ القاهرة 24: متفائلة به جدًا لأنه راجل وفنان قدير وكبير وكل الناس بتحبه ونجم كل الوطن بيحبه وفاهم بيعمل إيه وبيعرف إزاي يدير ودي حاجة متميزة.
من ناحية أخرى، استأنفت سلوى عثمان تصوير مسلسل رمضان كريم الجزء الثاني بمنطقة الحزام الأخضر بأكتوبر بقيادة المخرج سامح عبد العزيز.
وفي وقت سابق، علقت سلوى عثمان على غلاء الأسعار مؤخرًا، قائلة إن المواطن البسيط لن يقدر على مواكبة هذه الأسعار، وأن بعض المنتجات لا تتناسب مع جميع الفئات، بجانب الحديث عن شخصيتها في فيلم كيرة والجن، مضيفة: غلاء الأسعار أصبح مبالغ فيه، والمواطن البسيط عايز يفرح وبيتشغل عشان يتفسح آخر السنة، وتعبنا من الغلاء غير المبرر وكل شخص بيخترع حجة عشان يرفع الأسعار على الناس.. ليه مايوه للمحجبات بـ 3 آلاف جنيه؟.
واستكملت سلوى عثمان: الفئة العادية متقدرش تشتري حاجة بالأسعار دي، ويمكن الـ 3 آلاف دول يقدروا عليهم فئة الناس اللي في مراسي ومارينا والفكرة عرض وطلب، وكل فئة لها أسعار وكل شخص حر ولكن يعني إيه مايوة للمحجبات بالسعر ده؟ الناس اتجننت، والمواطن البسيط نفسه يفرح وكلنا نفسنا نفرح والمواطن بيشتغل طول السنة عشان يتفسح يومين والحياة لازم تكون فيها توازن.
ويُشار إلى أن آخر أعمال سلوى عثمان فيلم كيرة والجن آخر عمل شاركت فيه سلوى عثمان، مشاركتها والذي حقق نجاحا غير مسبوق منذ عرضه، وضم عددا كبيرا من الفنانين، أبرزهم: كريم عبد العزيز، أحمد عز، هند صبري، عارفة عبد الرسول، أحمد مالك، سيد رجب، ومن تأليف أحمد مراد، وإخراج مروان حامد.
