والد عريس الإسماعيلية: مراته فضلت أكتر من شهرين بنت بنوت.. وكانت بترفض تاكل معانا
قال والد زوج مها المعروفة إعلاميًا بعروس الإسماعيلية، إن مها كانت تحاول استفزاز نجله عبد الله، وتفتعل المشاكل وترفض تناول الطعام مع أهل بيتهم، على حد قوله.
فضلت أكثر من شهرين بنت بنوت
وأضاف والد زوج مها المعروفة إعلاميًا بعروس الإسماعيلية في تصريحات تلفزيونية له: فضلت أكتر من شهرين بنت بنوت وكل ما يقرب منها تبعد.. ورحنا للشيخ يقرأ عليها قال إنها كويسة ولما رجعنا البيت ودخلنا لقيناها فاتحة باب البيت، وخرجت من الشارع وراح أبوها جابها عشان زوجها حلف ما يخرج وراها.
وتابع: لما رجعت طبطبت عليها وأكلتها ورفضت تمد إيدها ولا تاخد الأكل من عمها.. والمشاكل كل يوم كانت بتتفاقم والفضايح مش حلوة.. وأشهد الله ما حد حبسها.. ومها كانت غير طبيعية وفصلت الكهرباء عن الأجهزة الكهربائية، وريحة الطعام قلبت البيت عشان عفن وافتكرت الريحة سببها حاجة ميتة.
وأكمل والد زوج مها المعروفة إعلاميًا بعروس الإسماعيلية: مراتي أم عبد الله كانت بتعملها عصير ليمون لما تغضب وتصوت.. وكل شوية تصوت وأطلع أسال ابني ليكون ضربها يقول مجتش ناحيتها.. وبلغتها ساعتها إحنا خلاص هنطلقك عشان مفيش عمار بينا وبين بعض.
وأضاف: مها استفزت عبد الله ابني كتير وشككت في رجولته، وقالت له إحنا زي بعض، دا ينفع يتقال الكلام دا؟، ساعتها ابني اعتدى عليها بالضرب على وجهها.
وقرر القاضي الجزئي بمجمع محاكم الإسماعيلية، تجديد حبس المتهم عبد الله عريس الإسماعيلية 15 يوما بعد انتهاء فترة الحبس الاحتياطي الأولى، والتي قُدرت من جانب جهات التحقيق 4 أيام.
