والد عريس الإسماعيلية: محدش ضرب مها يوم فرحها.. وابني قالها اتقِ الله يا شيخة

قال والد زوج مها المعروفة إعلاميًا بعروس الإسماعيلية، إن نجلي اعتدى على زوجته مها بسبب أفعالها، مضيفًا: كانت بتصّوت وتستفزه ودفعته يوم فرحها ومضربهاش يوم فرحها وقالها اتقي الله يا شيخة.. ومحدش ضربها ولا جه ناحيتها.

محدش ضربها يوم فرحها

والد عريس الإسماعيلية أضاف في تصريحات لـ القاهرة 24: مها يوم فرحها جوزها عاتبها على التأخير فقط وسألها كنتي فين الوقت دا.. رمت نفسها على الأرض وانفعل عليها.. ولكن محصلش ضرب ولا سحل ولا خلافه.

وتابع: بقول دايما لمها أنتِ بنتي وقدرنا ولحمنا ودمنا.. وفي مرة خرجت تشتري حاجة ساقعة مرجعتش تاني.. دورنا عليها لقيناها في بيت أبوها.

محدش قصر مع مها زوجة ابني

أكمل والد عريس الإسماعيلية: لو محصلتش الجوازة دي من الأول هيكون أفضل مليون مرة من الوضع ده.. ومحدش قصر مع مها زوجة ابني من أول زواجها.. وتلاجات البيت كلها خير ولحوم.

واستطرد: عبد الله ابني بيرجع من شغله بيلاقي مشاكل في البيت ومش بيكون قادر يقف على رجله.. وزوجة ابني دائما بتفتعل المشاكل.. وضربها لما تعب من أفعالها.