علاقة عاطفية ورقم تليفون خاص.. ننشر التحقيقات في واقعة سقوط فتاة من الطابق الخامس بالتبين | خاص
كشفت التحقيقات تفاصيل جديدة فى واقعة سقوط فتاة تدعى هدى، تبلغ من العمر 14 عامًا، من الطابق الخامس بمنطقة التبين، أن أحد الأشخاص طلب رقم هاتفها الخاص أو إخبار شقيقها بعلاقتها ببعض شباب المنطقة، على حسب وصف صديقة المجني عليها في التحقيقات.
ننشر التحقيقات في واقعة سقوط فتاة التبين من الطابق الخامس
وحصل القاهرة 24 على التحقيقات في القضية رقم 1174 لسنة 2022 جنح التبين، والتي استمعت جهات التحقيق فيها إلى أقوال صديقة المجني عليها.
س: ما تفاصيل حدوث الواقعة تحديدا؟
ج: اللي حصل إن أنا أعرف هدى من 5 شهور، وهي ساكنة معايا في العمارة ولسة معزلة عندنا جديد، واتعرفت عليها لأنها قريبة من سني، وبقينا أصحاب، كان في الفترة الأخيرة شوية مشاكل؛ بسبب إنها كانت عارفة واحد اسمه محمود، وكان حصل بينهم مشاكل، والمفروض إنه كان مرتبط بيها، ولما حصلت المشاكل دي، هي راحت اتكلمت مع واحد اسمه إسلام عشان تضايق به محمود ويرجعلها تاني.
وتابعت صديقة المجني عليها أمام جهات التحقيق قائلة: امبارح كنت أنا وهي واقفين عند مدخل العمارة، لقينا اتنين، واحد اسمه عبده والتاني اسمه عمر، واقفين على مدخل العمارة، قالو لهدى إحنا هنروح نقول لأخوكي إنك ماشية مع شباب لو مجبتيش رقمك، وهدى رفضت إنها تديهم رقمها، وبعد كده عمر وعبده مشيوا وبعتوا عيل صغير لأخو هدى؛ عشان يقول له أختك ماشية مع واحد اسمه إسلام.
وأكملت صديقة المجني عليها في أقوالها أمام جهات التحقيقات: بعد كده أخوها راح للمكان اللي فيه إسلام، وقال له أنا معرفش الكلام ده وأختك مكلمتنيش قبل كدا، وبعدها مشي ورجع قابل عمر وواحد اسمه عبده، وكان معاهم واحد تالت معرفوش، وطلعوا الشقة عند عزام أخو هدى، وبعد كدا أنا كنت واقفة قدام المدخل وسمعت أخوها بيزعق فيها، ويقولها لما أرجع، وسابها ونزل هو وأصحابه، وبعد كدا أنا رحت أجيب علاج لأبويا، وأنا راجعة تحت البيت بصيت لقيت واحده واقعة ولابسة الإسدال بتاع هدى، فقلت أطلع أقول لمامتها، وبعد ما طلعت العمارة وقابلت 2 من صحابنا صفية وحنين، وقلنا لمامتها إن في واحدة واقعة في الشارع ولابسة إسدال هدى، وسألتها عن هدى قالت بتاكل في الأوضة التانية، ودخلت على الأوضة ملقيتش هدى ولا الإسدال وهو ده كل اللي حصل.
