صديقة فتاة بورسعيد المقتولة على يد خطيبها: كانت هتتجوز بعد 3 شهور
قالت هبة عادل، صاحبة خلود درويش، فتاة بورسعيد، المقتولة على يد خطيبها، إن خطيبها الجاني كان صديقها في العمل.
صديقتها: كانت هتتجوز بعد 3 شهور
وأضافت عادل في تصريحات خاصة لـ القاهرة 24: آخر مرة اتكلمنا أنا وخلود من حوالي 4 شهور، وفي فترة كبيرة أخبارها اتقطعت.
وتابعت: كلمتني من حوالي شهر ونص تقريبًا، وكانت عاوزة تشتري مني حاجات عشان هتتجوز، وقالتلي أنا هتجوز كمان 3 شهور.
وواصلت: قالتلي أنها اتخطبت لواحد كان متقدملها من المصنع اللي شغالة فيه، وسألتها أنتي مرتاحة، قالتلي أنتي عارفة ظروفي، واللي أنا بمر بيه، أنا عاوزة أعيش.
محترمة ومجتهدة
واستطردت: خلود محترمة جدًا، طول عمرها بنت مجتهدة ومحترمة ملهاش في أي حاجة، مع أخويا في الدروس من ابتدائي، وكانت زبونتي في المحل.
وأشارت إلى أنها تبلغ من العمر 20 عامًا، وحاصلة على دبلوم تجارة، وكانت تعيش في غرفة فوق سطح منزل.
وأردفت: أنا شوفت صورتها مصدقتش، مين دي اللي يقتلتها، ملهاش مشاكل مع أي حد، خلود طول عمرها في حالها، شقيت وتعبت لحد ما خلصت دراستها، عمري ما شوفت منها أي حاجة وحشة.
وواصلت: ده واحد يّتم أخوتها للمرة التالتة، أخوها الصغير 9 سنين، والتاني 17 سنة، وهي يتمية الأم والأب.
وطالبت صديقة خلود، الجهات المعنية بالقصاص والمحاكمة، قائلة:عاوزين القصاص وسرعة المحاكمة.
