لعدم اكتمالها.. حسين فهمي: لم أعرض ملابس عمر الشريف في مهرجان القاهرة السينمائي
كشف الفنان حسين فهمي، مصير عرض ملابس الفنان الراحل عمر الشريف في فعاليات مهرجان القاهرة السينمائي بدورته الـ 44، المقرر إقامته في الفترة من 13 إلى 22 نوفمبر المقبل.
وقال حسين فهمي في تصريح خاص لـ القاهرة 24: للأسف لم أتمكن من عرض ملابس عمر الشريف لعدم اكتمالها.. للأسف مقدرتش ألاقي ملابس كتير أقدر من خلالها أعمل معرض كبير يليق بالراحل عمر الشريف في مهرجان القاهرة السينمائي.
حسين فهمي يعلق على الدريس كود
وأبدى حسين فهمي مؤخرًا رأيه عن الدريس كود الخاص بحضور الفنانين بالدورة الـ 44 من مهرجان القاهرة السينمائي الدولي.
وقال حسين فهمي ممازحًا، أثناء كلمته في المؤتمر الصحفي لمهرجان القاهرة السينمائي بدورته الـ 44: اللي هيخالف الدريس كود هيتحبس، الرجالة زي الستات، أنا كل اللي بطلبه إن الناس تيجي لابسة شيك، الرجالة بتلبس دايمًا في المهرجانات الدولية، بدلة سموكن اللي تعرفنا عليها، أنا بطلب الناس كلها تيجي لابسه ده.
وعن الشروط التي وضعها لـ دريس كود الفنانات لحضور المهرجان، رد حسين فهمي: وبطلب من السيدات إنها تلبس اللبس اللي إحنا بنشوفه في كل المهرجانات الدولية اللي هي درجة أولى، ميبقاش فيه مبالغة، ده كل اللي بطلبه.
مهرجان القاهرة السينمائي
ويذكر أن فعاليات الدروة الـ 44 من مهرجان القاهرة السينمائي الدولي، تبدأ في 13 نوفمبر المقبل وتستمر حتى 22 من الشهر نفسه.
