ياسمين صبري عن شيرين عبد الوهاب: في وقعة وهتقوم منها.. الحياة كدا بنقع ونقوم مفيش حد دايمًا بيجري
دعمت الفنانة ياسمين صبري الفنانة شيرين عبد الوهاب، بعد أزمتها الأخيرة، إذ أعربت عن حبها الكبير لها، وأن ما تمر به شيرين الآن ما هو إلا محطة في حياتها، مؤكدةً أنها سوف تعود أقوى وأنجح من قبل.
ووجهت ياسمين صبري رسالة دعم للمطربة شيرين عبد الوهاب، خلال لقائها في برنامج Et بالعربي، إذ قالت: بحبك جدًا يا شيرين، زيي زي ملايين الناس في الوطن العربي، شيرين مش بس صوت مصري دي كمان صوت عربي.
وأضافت ياسمين صبري: أنا متأكدة إن دي وقعة وهتقوم منها، هي الحياة كدا أحيانًا بنقع ونقوم مفيش حد دايما بيجري، إحنا بنتخيل بس كدا، ولكن أنا متأكدة إن المحطة الجاية في حياة شيرين عبد الوهاب فيها نجاح وازدهار، وهتكون بتنور، وهتكون أحسن من ما كانت قبل كدا بكتير.
وأوضحت ياسمين صبري: أنا بشوف إن المشاكل والصدمات بتقوي مش بتكسر، وأنا متأكدة أن شيرين عبد الوهاب هتعمل كدا.
أزمة شيرين عبد الوهاب
وكانت الفنانة شيرين عبد الوهاب تصدرت تريند مواقع التواصل الاجتماعي في الأيام القليلة الماضية، بعد أن احتجزها شقيقها محمد عبد الوهاب عنوة في أحد المستشفيات، بسبب أزمتها الصحية الحالية، حتى تكون تحت الملاحظة الطبية لعلاجها.
وحرص عدد كبير من نجوم الفن على دعم المطربة شيرين عبد الوهاب، داعين الله أن يشفيها، وأن تعود لهم في أقرب وقت.
