“كومنت اكتب.. حل مفيش.. عميل أقفش”.. كيف هاجم المصريين شركة اتصالات بسبب الخدمات (صور)

أطلقت شركة “إتصالات مصر” حملة دعائية وإعلانية كبيرة، كان بطلها النجم أحمد حلمي، وحظيت تلك الحملة بروج كبير بين مستخدمو مواقع التواصل الاجتماعي.

تلك الحملة التي حظيت بالمتابعة، كان جزء من متابعتها، الهجوم الشديد على الشركة عبر المنشور الخاص بفيديو الإعلان، إذ استنكر عدد من عملاء الشركة، الإعلان عن عرض جديد في ظل سوء الخدمة في كثير من العروض أو في الخدمات العامة بأكملها.

تعليقات العملاء

التعليقات صاحبها ردود تقليدية في حين ومستفزة في حين آخر، بل وتصادف أن يعلق أكثر من “أدمن” على نفس التعليق دون تقديم أدنى إفادة.

حيث جاءت العديد من التعليقات من متابعي صفحة شركة “اتصالات” علي موقع التواصل الاجتماعي “فيس بوك” غير مرضية علي الإطلاق بالنسبة للعميل الذي يقدم شكوته لأدمن الصحفة.

في البداية، اشتكي أحد المتابعين يدعي “بركات محمد”، وكتب: “مش معقول والله بقالي 4 أيام بحاول أضيف رقم تاني عي باقة حكاية العيلة 65 ومش عارف.. بالرغم من اني اتصلت بخدمة العملاء أكتر من مرة ومحدش ساعدني بأي حاجة شكرًا”.

فكان رد أدمن صفحة اتصالات: “بالنسبة لباقة حكاية العيلة 65 سيتم إضافة رقم واحد فقط إضافى .. هل متمش إضافة أي أرقام”، فكان هذا الرد غير مفهوم علي الإطلاق بالنسبة للعميل الذي يستفسر عن مشكلته، وجعله للاتصال بالخدمة العملاء مرة أخري الذي أكد إنه لا يجد أحد لمساعدته في حل مشكلته.

كما كتبت “شروق أحمد”، « ممكن يا اتصالات لما اشحن تبقوا تسيبولي جنيه واحد بس اتكلم بيه.. مش كل دقيقة خصم انا عارفة أن هتخصيموا عشان اعترضت علي الكومنت» .

فكان الرد « الخصم كان امتي وجالك رسالة بسبب الخصم ولا لا؟.. فتابع أدمن آخر « في متابعة يتم معاك من خلال الرسائل الخاصة»، الأمر الذي جعل العميل متشتت وكان آخر التعليقات لا يوجد حل أيضًا للمشكلة.

بينما كتب مايكل عاطف،«تخيلوا كده بقالي شهر بحاول احول خط بتاعي منم شيكية تانية إلى شبكاتكم ومش عارف كنت فاكر انكوا تستهلوا بس طلعتوا أي كلام».

فكان الرد من الأدمن الصفحة، « بنعتذر ليك جدًا أكيد يهمنا مساعدتك» دون حل للمشكلة.

وفي نفس السياق، كتب طاهر عبد الله:«العيلة كلها هتغير لشبكة تانية عشان شبكتكم عندنا استغر الله العظيم … ما شاء الله الناس بتطور وانتوا بترجعوا لورا».

وفكان الرد عليه «أهلا بيك يا فندم وسيتم المتابعة في الرسائل الخاصة” فطلب منه العميل أي شخص من خدمة العملاء يقوم بالاتصال عليه، فكان الرد عليه «اتفضل لو في أي استفسار».

بينما كتب “عمر آل السكارتة”:”لو سمحت أنا مشترك في عرض ضعف الشحنة واخد 400 دقيقة اتكلمت 100 دقيقة والباقي اخدته الشركة.. طلبت خدمة العملاء خدوا 50 قرش ومحدش رد ودي مش أول مرة ليه النصب ده ولا بتطفشوا العملاء».

فكان الرد:”ممكن تتباع علي الرسائل الخاصة وهيكون في متابعة في أسرع وقت ممكن”، فرد عليه العميل:”حضرتك رسائل الشركة مش فاتحة معايا ممكن ترد هنا وسؤالي فوق”، فجاوبه الأدمن:” المتابعة بتكون من خلال الرسائل الخاصة وبرجاء الإنتظار والمتابعة علي الرسائل الخاصة”.

وفي السياق ذاته، كتب “محمود منعم”: ” حضراتكم بالنسبة لعرض يوم عليك ويوم علينا أنا شابف ان كل الأيام علينا كل ما أطلب عذرا لم تقم بعمل استخدام بالأمس هتهذروا متبعتوش العرض وريحونا”.

فتم الرد عليه:”بنعتذرلك عن أي صعوبة ممكن تستخد الكود #011* وتعرف العرض اللي متاح علي خطك”، فرد عليه العميل :”حضرتك بقولك عرض يوم عليك ويوم علينا تقولي اطلب الكود ده ايه جاب ده لده.. بص أنا الغلطان تمام هوا بإذن الله أخر تعاملي معاكم”.

كما قالت نجلاء سعد:”والله أنا تخنقت كل مشحن ملاقيش الرصيد كذا مرة ورجعت شحت برضوا أخدتوا الفلوس ومفيش رصيد ارحمونا بقي أنا بطلت أشحن امبارح وشحنت مفيش رصيد”.

فكان الرد: ” ممكن توضحي الخصم حصل امتي والرصيد كان كام”، ففرد العميل عليه:”أنا بطلت أشحن عشان كل ما أشحن الرصيد بيتسحب أخر رصيد كان امبارح 5 وخلص برضو”.