سلوى خطاب: الستات قالوا إني مبحبش الرجالة عشان يوقفوا سوقي.. ومخلفتش عشان مجبش عيال يقرفوني
تحدثت الفنانة سلوى خطاب عن معاناة المرأة المصرية، مؤكدة أنها تتحمل فوق طاقتها، كما أكدت أن الرجال ليسوا أعداء وأنها لا تكرههم.
وقالت سلوى خطاب في تصريحات تلفزيونية: أنا دفعت ثمن جوازي وكنت حريصة أبقى زوجة كويسة بغض النظر عن تعبي في مهنتي، وكنت بحضر الأكل لـ جوزي وهو كان يستاهل الاهتمام دا، بس أنا مقتنعة أن مينفعش ندلع الراجل زيادة عن اللزوم ومفيش حاجة اسمها الراجل لازم يوري مراته العين الحمرا لأننا بني آدمين.
وأضافت سلوى خطاب: أنا مش بكره الرجالة ويمكن الستات طلعوا عليا كدا عشان يوقفوا سوقي ولا يمكن يكون فيه عداء بيني وبين الراجل لأن الراجل بالنسبة لي زي الست وبعامل بني آدمين في النهاية ومينفعش حد يعادي حد بس الست المصرية أكتر ست على مستوى الوطن العربي شايلة مهام كتير فوق طاقتها.
وسبق وكشفت سلوى خطاب سبب عدم إنجابها، قائلة: المجتمع ده لو خلفت فيه هتعب، أنا مش فاهمة يعني إيه تربية حديثة وعيال يقرفوني وساعتها هقول له لأ شنطة هدومك يا حبيبي وروح المكان اللي انت عايزه وأخلص، أنا أجيب ناس تتعبني ليه؟ يعني هربيهم كويس وفي الآخر يسمعوا أنتش واجري؟
ومن ناحية أخرى، تعيش سلوى خطاب حالة من النشاط على المستوى الفني حيث قمت العديد من الأعمال الفنية التي حققت نجاحا كبيرا كان آخرها مسلسل منورة بأهلها بالتعاون مع ليلى علوي وباسم سمرة.
