عامل النظافة صاحب واقعة كشري التحرير: فصلوني من شغلي وقلعوني البدلة بسبب التصوير | فيديو
قال عامل النظافة المتضرر من مسئولي كشري التحرير بمنطقة الدقي، إنه بعد انتشار فيديو الطرد الذي تعرضت له من داخل المحل، قامت إدارة محل كشري التحرير بإبلاغ المقاول الذي يعمل معه والذي بدوره قام بفصله من العمل، مؤكدا: المقاول طلب مني أقلع البدلة بتاعت الشغل وخدوها وبعدها فصلوني.
مشكلة عامل النظافة مع كشري التحرير
وأوضح عامل النظافة أثناء لقائه مع القاهرة 24، أنه يقوم بكنس الطريق أمام المحل وتوجه إلى المطعم لطلب وجبة من المحل وعندما رآه العاملين بإدارة مطعم كشري التحرير توجه له المحاسب وطرده على الفور.
وأضاف عامل النظافة قائلا: أنا بشتري بفلوسي وصاحب المحل مهنش عليه يراضيني حتى وقالي تعالة الصبح وجتله ورفض يقابلني.. هو أنا مش زي الناس؟.
كانت البداية عندما، رصدت كاميرات القاهرة 24، واقعة طرد عامل نظافة من داخل المحل من قبل الكاشير وأحد العاملين بكشري التحرير، قائلا: اطلع برة واحنا هنجيبلك الأكل برة، رغم أن العامل دفع ثمن الوجبة.
ومنذ فترة انتشرت موجة من الغضب على السوشيال ميديا، والتي كان بطلتها سيدة مسيحية تدعى سلفيا بطرس والتي اشتكت من منع مسؤولو مطعم كشري التحرير لها من الأكل قبل أذان المغرب بحجة شهر رمضان ومنع الأكل خلال النهار، وكتبت قصتها على صفحتها الشخصية على فيس بوك قائلة: نزلت انهاردة جبت بنتي من الحضانة، كان عندها تمرين روحنا جري على هناك وباباها خلص شغله وعدى علينا، بعد ما خلصنا بنتي قالت: أنا جعانه، قولنا فرصه واحنا بره نعدي نأكل أي حاجه، وبما اننا صايمين ولقينا كشري التحرير فاتح وشغالين قولنا نأكل ونروح.
وأضافت سلفيا: قعدنا وطلبنا وجه الأكل، ويا دوب البنت بتأكل أول معلقه لقينا واحد من العاملين جاي يقول ممنوع الأكل قبل المغرب، قولت له يعني ايه؟!!!، مش ده مطعم ومفتوح والناس قاعدة، قالي أه الناس تقعد بس محدش يأكل قبل الآذان، قولت له انت صايم ومستني الآذان براحتك أنا مش صايمة للمغرب وقاعده في مطعم، والأكل قدامي ازاي ماكلش، قالي هو ده النظام ولقينا واحد تاني جاي غالبًا مديره ويكرر نفس الكلام.
وتابعت: احنا بقى مطلوب مننا نطلع معلقة الأكل من بق البنت ونقنعها أنها ماتاكلش في المطعم علشان فيه ناس قرروا يفرضوا ده على غيرهم، هل الصيام بالعافية حتى على المسيحيين؟
