فيفي عبده: برقص عشان الناس تعرف إني واقفة على رجلي
قالت الفنانة فيفي عبده، إن نشرها فيديوهات رقص عبر حساباتها المختلفة بمواقع التواصل الاجتماعي، لتنفي شائعات المرض التي تلاحقها خلال الفترة الماضية.
وأكدت فيفي عبده، خلال بث مباشر عبر حسابها الشخصي بموقع تبادل الصور والفيديوهات انستجرام قائلة: أنا بطلع أرقص على الأغاني الجديدة في فيديوهاتي علشان الناس تعرف إني واقفة على رجليا، الله أكبر عليا، ودايمًا بيطلع شائعات وأنا بقول إني موجودة حتى لو هطلع أتمشى، أنا مش مطلوب مني أهد السد العالي، أنا جاية الدنيا دي علشان أتدلع، وأنا دايمًا لما بعمل حاجة بعملها بقلبي، ومعشتش طفولتي وهعيشها بـ الطول والعرض.
وأضافت: نزلت لكم رقصات الفترة اللي فاتت، فيه فيديوهات راضية عنها وفيه مكنتش مستعدة ليها، الولد اللي بيشغل السماعة بيحط أي أغنية وأنا لازم ألحق النهار والشمس، فبعمل أي حاجة تليق عليها وده مش أسلوبي في الرقصات، وبرتاح في الكعب العالي، بحس إنه بيطلع الرقصة أحلى، ولما بتفرج على نفسي بقول إزاي أنا موقعتش في الماية.
آخر أعمال فيفي عبده
ومن ناحية أخرى، تعيش فيفي عبده حالة من النشاط على المستوى الفني، حيث حققت نجاحا كبيرا بمسلسل شغل في العالي والذي عرض في الموسم الرمضاني الماضي 2022.
مسلسل شغل في العالي
ضم مسلسل شغل في العالي، العديد من النجوم، منهم: فيفي عبده، شيرين رضا، هيثم سعيد، بسمة داوود، مروان يونس، توني ماهر، وهو من تأليف حسين مصطفى محرم، وإخراج مرقس عادل.
