حلمي بكر عن علاقة شيرين وحسام حبيب: حب مدفوع الأجر
علق الملحن حلمي بكر، على علاقة الفنانة شيرين عبد الوهاب، وطليقها الفنان حسام حبيب، مشيرًا إلى أن تلك العلاقة عبارة عن حب مدفوع الأجر.
وقال حلمي بكر خلال لقائه مع الإعلامية مروة صبري في برنامج قعدة ستات: ومن الحب ما قتل.. اوعوا تسموا ده حب.. ده حب مدفوع الأجر.. فيه أجر مادي وأجر تاني عيب أقول اسمه.. أجر بينبعث منه دخان.. كل دي منطقة لازم تعدم عشان نفوق.. لو مش هنفوق هيبقى اللي جاي أقوى.
أما عن ذعر حسام حبيب وخوفه الخروج من المنزل، إثر ما تعرض له من ضرب وتهديد أثناء أخذ شيرين للمشفى، قال حلمي بكر: التأليف حتى بقى رخيص.. مين ده اللي هينزل في بلدنا خايف لا يقفوله بمطوة.. ودكتور ماسك مطوة؟ إيه السيناريو ده؟
وأضاف حلمي بكر: احنا عمالين ندلع فيها حتى في المصيبة بندعيلها.. لكن لازم كلنا نقولها انتي غلطي وربنا يفوقك ولما تخفي هنحاسبك.. ولو هي عايزة تخف وترجع لصوابها هتقول الحقيقة.. وإلا هنعيش في الكدب ده كله.
وأشار حلمي بكر، إلى أن شيرين تتعاطى المخدرات قبل ارتباطها بـ حسام حبيب، مؤكدًا أن التعاطي يُفقد الإنسان أعصابه والتحكم في تصرفاته، لذا كانت شيرين تهتز عند إحيائها الحفلاتها بالمقامات، وقال: شيرين عبد الوهاب في يوم من الأيام كانت عظيمة وكانت هتبقى أعظم لكن دلوقتي اختلفت والفترات اللي كانت فيها عظيمها أيام ماطلعت مع تامر حسني وفي البداية ولما كبرت وغنت في حفلات وحبها العالم العربي كله زي ما احنا حبناها لكن في الفترة الأخيرة هي خارج التون.
