حمو بيكا لـ صاحب واقعة كشري التحرير: معاك في أي حاجة محتاجها.. وعندي ليك مفاجأة كبيرة
حرص مطرب المهرجانات الشعبية حمو بيكا، على دعم محمد عامل النظافة، صاحب واقعة كشري التحرير، متمنيًا مقابلته كما أنه يجهز مفاجأة له.
ونشر حمو بيكا صورة عامل النظافة عبر صفحته على موقع التواصل الاجتماعي، فيسبوك، وعلق عليها: محمد الجدع.. ويا ريت يكون ده اسم شهرتك في الدنيا بعد كده.. عشان أنت جدع بجد وتستاهل كل خير.. ورسالة من أخوك حمو بيكا.. أنا معاك يا حبيبي في أي حاجة محتاجها في حياتك من الألف إلى الياء.. ومتشغلش بالك بأي حاجة.. إحنا كلنا في ضهرك ومش هنسيبك لأنك مثال للإنسان الشقيان، وطالع عينه في الحياة، عشان يجيب الجنية بعرق جبينه.. ربنا يوفقك في حياتك، وأتمنى أشوفك قريب، وليك عندي مفاجأة كبيرة أوي، وإن شاء الله تعجبك يا حبيبي يا جدع.
العوضي يلتقي عامل النظافة صاحب واقعة كشري التحرير
والتقى الفنان أحمد العوضي بمحمد عادل عامل النظافة صاحب واقعة كشري التحرير، في أحد محلات الأسماك بالأمس، ورافقتهما كاميرا القاهرة 24، ووفر أحمد العوضي فرصة عمل من جانبه إلى العامل.
وقال العوضي في تصريحاته لـ القاهرة 24: محمد راجل شقيان والكِبر وحش، مينفعش تتكبر على حد، وتقوله مش هتاكل عندي، الأكل ده بتاع ربنا مش بتاعك، هو كسر بخاطره بس مصر كلها جبرت بخاطره، أقسم بالله لو كنت قاعد في المكان، وحصلت النمرة دي قدامي أنا مش هقول كنت هعمل إيه.
