تصريحها ربع سنوي.. مصطفى كامل يعلن إطلاق شعبة الأداء الصوتي لإدراج مطربي المهرجانات
أعلن الفنان مصطفى كامل نقيب المهن الموسيقية، إطلاق شعبة الأداء الصوتي، لإدراج مطربي المهرجانات الشعبية تحتها.
وقال مصطفى كامل خلال المؤتمر الصحفي المقام حاليًا في مقر النقابة لإعلان قرارات تخص مطربي المهرجانات: مفيش كلمة تانية اسمها مهرجانات؛ لأن ده حقك وربنا أنعم عليك بموهبة، مفيش أي كلمة اسمها مهرجان تاني، وأنت ملتزم قدامي بالكلام ده، لا تقولي المنتج هو اللي نزل كلمة مهرجان، أنت بتمارس المهنة زيك زي أي حد.
وأشار مصطفى كامل إلى أن المطرب أمامه خياران، وهما: إما الإدراج تحت شعبة الغناء الشعبي بتصريح سنوي، أو الإدراج تحت شعبة الأداء الصوتي، تصريحها يتم تجديده ربع سنوي، هنعمل زي اللي بنراقب بعض، زي ما هقف جمب ولاد بلدي هنراقب شكل الأداء ده، هل أنت جاي تاخد الكارنيه وتمشي، ولما يحترم بلده ووطنه والأطفال هياخد التصريح السنوي، واللي هيتلغي تصريحه استحالة هيرجع طول ما أنا موجود.
الالتزام شرط تجديد التصريح
وحرص العديد من مطربي المهرجانات الشعبية على حضور المؤتمر الصحفي، ومنهم: حمو بيكا، أورتيجا، حسن شاكوش، عنبة.
