سماح أنور: شيرين زي الجريح وهترجع زي الأول.. والست اللي بتضحي بحياتها عشان راجل غلطانة
حرصت الفنانة سماح أنور على دعم شيرين عبد الوهاب في أزمتها، وذلك بعدما خضعت للعلاج بأحد المستشفيات النفسية، مؤكدة أنها ستعود كما كانت وأفضل، بجانب الحديث عن السر وراء غيابها عن العديد من المهرجانات الفنية.
وقالت سماح أنور لـ القاهرة 24: شيرين هترجع زي الأول وأفضل وكلنا مرينا بصعوبات في حياتها ووقعنا، ولازم تاخد وقتها في التعافي لأنها زي الجريح والمشكلة في الناس ومش في شيرين عبد الوهاب.
وواصلت سماح أنور: من وجهة نظري مفيش حاجة اسمها راجل وست عمومًا لأن كل علاقة لها بصمة خاصة بها، وفكرة التضحية في العلاقات خاطئة ونابعة من اختيار خاطئ، والست اللي بتضحي بحياتها عشان راجل غلطانة؛ لأنها بعدين هتكون عبء عليه.
أما عن سبب غيابها عن العديد من المهرجانات الفنية، علقت سماح أنور، قائلة: مش بحب أروح المهرجانات لأني مبحبش أخرج وأتعلمت من أحمد زكي أمثل وأروح البيت ومن بدايتي بركز على الشغل أكتر من الحفلات.
آخر أعمال سماح أنور
ومن ناحية أخرى، حققت سماح أنور نجاحا كبيرا بمسلسل الليلة واللي فيها والذي عرض على أحد المنصات الإلكترونية، وضم عدد كبير من الفنانين، أبرزهم زينة، محمد شاهين، علاء مرسي، ومؤدي الراب أبيوسف، ومن إخراج هاني خليفة ومن تأليف محمد رجاء، كما ظهرت سماح أنور كـ ضيفة شرف في مسلسل بدل الحدوتة تلاتة بالتعاون مع دنيا سمير غانم وهشام ماجد.
