سائلة: زوجي عاوز يجيب واحدة البيت ويجامعنا سوا فماذا أفعل؟.. أزهري: اتطلقي دلوقتي
تلقى الشيخ محمد أبو بكر، أحد علماء الأزهر الشريف، سؤالا من إحدى المتابعات تقول فيه: يا شيخ أنا جوزي طالب مني طلب غريب أوي وأنا مش عارفة أعمل إيه، هو عاوز يجيب واحدة البيت وعاوز يجامعنا مع بعض، وأنا لسه في أول سنه جواز وحامل وكمان عاوزني أعمل مايكروبلدنج وعاوزني أعمل عملية تجميل في جسمي شفط دهون ونفخ في أماكن معينة، أنا عارفة إن كل ده حرام وأنا مش عارفة أعمل إيه ممكن حضرتك تنورلي طريقي؟.
اخرجي من هذا البيت فورا
وأجاب العالم الأزهري على السؤال خلال برنامج إني قريب المذاع على فضائية النهار قائلا: من غير كلام ونصيحة وبكلمك أخ بعيد عن أي شيء، اتطلقي دلوقتي وأنت الفائزة، اخرجي من هذا البيت فورا وأنت الفائزة، لا خير في هذا الرجل أبدا.
وأضاف العالم الأزهري: عندنا حاجة بتقول الإنسانية قبل الإسلام، وأصلا لو أنت متزوج اثنين لا يجوز أن تجمعهما في فراش واحد، وهذا ليس من الديانة والإنسانية والمروءة والأخلاق والرجولة، ودا فضلا عن إنه عايز يجيب امرأة في الحرام يعني مش زوجته.
وأردف العالم الأزهري: بالله عليكم أمة تننظر من نصرة من ربنا ورفع الغلاء ويكون دي الأسئلة، أنتم عايزين ربنا ينصرنا بالأشكال دي، متابعا: أول سنة زواج وجايب امرأة في الحرام وتجاهر بها وتدخل البيت بها، وعايز تأمر زوجتك إنهم يجتمعوا مع بعض إنا لله وإنا إليه راجعون.
وواصل العالم الأزهري: لو الاتنين زوجاته، كنت قولت إنه مش فاهم وكنت فهمته إن دا مش من الديانة والإنسانية والمروءة والأخلاق والرجولة والأدب، لكن مش عارف ايه الجرأة دي.
وأكمل العالم الأزهري: المايكروبلدنج أي عمليات تجميل، أنا أميل إلى الابتعاد عنها مطلقا، وأي نوع أصباغ يختلط بالدم حرام، وعايز أقول أغلب مراكز التجميل أكثرها يكذب ويدلس على الناس، ويقول لهم أن هذا الشيء مؤقت لكن اللي بيحصل بيبقى مستديم والذنب على فاعله ومركز التجميل.
واختتم الشيخ محمد أبو بكر، أحد علماء الأزهر الشريف: يأخي عايز عملية تجميل وشفط دهون ونفخ في أماكن معينة، والله يقول: لَقَدْ خَلَقْنَا الإنْسَانَ فِي أَحْسَنِ تَقْوِيمٍ، ولما هي مش عجباك تزوجتها ليه، اتقِ الله.
