محمد رمضان: مش هتجوز تاني لأن مراتي بـ 4 ستات.. ولو قولت أحلامي الناس هيتهموني بالجنون
كشف الفنان محمد رمضان إمكانية زواجه مرة أخرى، مؤكدًا أنه لن يكرر التجربة، بجانب الحديث عن طموحاته وأحلامه، كما وجه نصيحة لجمهوره ومحبيه.
وقال محمد رمضان في تصريحات تلفزيونية: أنا لسه محققتش 1% من طموحي وكلامي دا في 2022 وإن شاء الله الجمهور هيشوفها بعد عمر طويل سنة 2070 وهيقولوا معايا حق والله أعلم هوصل لفين؛ لأني لا أفصح عن طموح لم أحققه لأن الشخص اللي طلع على القمر لو كان قال للناس إنه هيطلع القمر كانوا هيسخروا منه ويقولوا عليه مجنون وعبيط وأنا طموحي ليس له حدود.
كما وجه محمد رمضان نصيحة لجمهوره، قائلا: بنصح جمهوري ميقولوش طموحاتهم علشان كفاية العقبات اللي هتشوفها في الحياة ومتخسرش اللي حواليك لأن ممكن ميستوعبوش طموحك ويتهموك بالجنون، وكن نفسك ولو هتاخد مني حاجة خد الإصرار والثقة في ربنا وإظهار نقاط قوتك للعالم كله ولا تخجل أنك قوي ومثابر ومتخافش من الحياة لأنها مش بتحترم الجبان ولن يفوز بلذة إلا كل مغامر وحتى لو خسرت ومحققتش حلمك المغامرة هتخليك تشوف باب آخر للنجاح.
أما عن إمكانية زواجه مرة ثانية، علق محمد رمضان، قائلًا: أنا هتجوز 4 في مسلسل العمدة، ولكن أنا تجوزت مرتين بس في الحقيقة، ومش هكرر التجربة؛ لأن مراتي بـ 4 ستات.
ومن ناحية أخرى، يواصل محمد رمضان تصوير مشاهده في مسلسله الجديد الذي يحمل اسم العمدة، بالتعاون مع العديد من الفنانين، أبرزهم إيمان العاصي، هالة صدقي، فريدة سيف النصر، ومي كساب.
