جورج وسوف: بحب أروح أعمل حفلات للمغتربين.. وكنت ولد شقي
كشف الفنان جورج وسوف سر ذهابه إلى معظم الجاليات العربية في الدول الأجنبية لإحيائه حفلات جماهيرية، كما أكد على حبه الكبير لأولاده ولأخواته.
وتحدث جورج وسوف عن سر ذهابه إلى معظم الجاليات العربية في الدول الأجنبية، وذلك من خلال لقاءه مع الفنانة والإعلامية إسعاد يونس في برنامج صاحبة السعادة، حيث قال: طبعًا لو مش بحب مش هتعاقد ومش هروح الحفلات، عشان الناس المغتربين بروحلهم، وبحب أروحلهم، حاجة بتكبر القلب، وبحب أشوف الناس، وده شيء بيفرح قلبي، وبيغذي حياتي.
وعن حضور بنته عيون لحفلته الأخيرة، قائل وتابع جورج وسوف: عيون بنتي حبيبتي، أول مرة تحضر، وكانت حفلة وخلاص، وكانت حالة خاصة جدًا، ومش عارف حياتها، وهي عايشة مع ولادها، طبعًا كل واحد منهم عنده مستقبل، عيون وجورج أكتر اتنين شبهي.
جورج وسوف: ابتديت حياتي من وأنا صغير بدلع في الناس وبغنيلهم
واختتم جورج وسوف حديثه عن طفولته، قائلًا: كنت وأنا صغير، ليا فيلم وثائقي، ووالدي كان بيناديني وبيقولي أبو علي، عشان علي جدع وبيساعد أبوه، وأخواتي ملتزمين وبيحضروا حفلات قليلة ليا، وكل شهر شهرين بروح أقعد معاهم، وأخواتي البنات متسجلين معايا في نفس اليوم، عشان في أيام الوالد والوالدة كان بيسجلوا الاتنين سوا، أختي أكبر مني بسنة، وأختي الصغيرة أصغر مني بسنة، وكنت شقي، وكنت دايمًا مع ربنا، وبخاف من الحاجات اللي فيها الأذية، ومكنتش مدلل، وابتديت حياتي من وأنا صغير بدلع في الناس وبغني للناس، الحمد لله ربنا مديني كل حاجة.
