جورج وسوف: ربنا خلقني عشان أغني.. ومش هعتزل أبدًا
أكد الفنان جورج وسوف، إنه لن يقدم على خطوة اعتزال الفن مطلقًا، مضيفًا إنه طالما لديه القدرة على العطاء سيستمر في الغناء.
وقال جورج وسوف، خلال حواره مع الفنانة إسعاد يونس، في برنامجها صاحبة السعادة، المذاع عبر شاشة قناة DMC: ربنا خلقني عشان أغني وأنا مستمتع، وربنا خلقني في الدنيا عشان أعطي في الدنيا، وأنا مش هعتزل أبدًا، وفيه حد قالي روح موت أو انتحر، طول ما ربنا مديني القدرة أنا مش هعتزل.
وتابع: أنا بغني للعاشق وللغلبان واللي ساب حبيبه واللي مسافر ولكل الناس، وبغني بـ إحساس كأني مكانه، والجمهور عشقي وكل حياتي.
وأضاف جورج وسوف، إنه يعمل على مواكبة الأغاني خلال الوقت الحالي، موضحًا: شايف الفن واتجاهاته فين ربنا يعلم، أنا مش ضد الأغاني الجديدة، وبحاول أعاصر لأن لو معاصرناش الجيل ده تبقى مصيبة.
واستكمل: دلوقتي مفيش نجم مفضل ليا ولكن بيعجبني أغاني، ممكن يكون كلماتها حلوة، أو لحنها حلو، أو الكليب متصور حلو وفيه فكرة.
وأعرب الفنان جورج وسوف، عن حبه لجمهوره المصري، قائلًا: كلمة مصر تعني لي كل حاجة، وأنا كبرت على أغاني العمالقة، وجمهور مصر بيحب من قلبه ومابيعرفش يكدب أو يجامل، و90 % من أرشيفي مصري، وأغنية حلف القمر بتطلب مني في كل الحفلات.
جورج وسوف
وتحدث الفنان جورج وسوف عن حبه الكبير لكوكب الشرق أم كلثوم، قائلًا: بحب أم كلثوم، وكل الل غنيته حافظة، وكل كلمة أو حرف بتقولها شاربه شرب، وفي البيت في عمود عليه صورة لأم كلثوم والعمود التاني صورة لفيروز.
وعلى جانب آخر، من المقرر أن يقيم الفنان جورج وسوف، حفلًا في مدينة الإسكندرية يوم 29 أكتوبر الجاري، وذلك بعد غياب طويل عن إقامة الحفلات في مصر.
