السوشيال ميديا ساهمت في انتشار أغاني قديمة وشيرين عبد الوهاب صوت قوي وناجح.. أبرز تصريحات علي الحجار لـ الحياة بمهرجان الموسيقى العربية
حل الفنان علي الحجار، ضيف الإعلامية آية الغرياني عبر قناة الحياة، وخلال اللقاء أعرب عن بالغ سعادته بمشاركته مع الفنان محمد الحلو، في الليلة الخامسة من مهرجان الموسيقى العربية في دورته 31، وتحدث أيضا عن علاقة الصداقة التي تجمعهم.
نستعرض لكم في هذا التقرير أبرز تصريحات علي الحجار التلفزيونية
_سعيد بمشاركة الغناء مع الفنان محمد الحلو، على مسرح النافورة بدار الأوبرا المصرية.
_تجمعني علاقة صداقة بالفنان محمد الحلو من عمر 18.. كل أنواع الأغاني وتاريخه كبير جدا.
_أشارك منذ 31 عاما في مهرجان الموسيقى العربية بشكل سنوي
_لو حد حط نفسه مكاني إنه من 31 سنة بيغني في المهرجان كل سنة.. هيكتشف بعد كل سنتين تلاتة جيل تاني من الجمهور يبدأ يجي مع أهله ثم بعد 5 أو 6 سنين بيبقي هو كبر وجاي بأصحابه من غير أهله.
_السوشيال ميديا ساهمت في انتشار أغاني قديمة بين الأجيال الجديدة.
_السوشيال ميديا ليها ميزة كويسة إن لما بينزل عليها الأغاني القديمة بتجيب جمهور جديد.
_أغنية سمرا وبعيون كحيلة نزلت سنة 1992 في جيل مكنش اتولد ساعة ما نزلت بقى دلوقتي بيطلبها مني في الحفلات.
_ صوت شيرين عبد الوهاب قوي وناجح وبيقول أي لون والإيقاع الشعبي والدرامي.. يارب تعدي محنتها دي على خير.
_مدحت صالح مطرب عظيم.. وكان نفسي أحمد حمال يغني تترات لأن صوته حلو.
_ محمد رشاد غني تترين ثلاثة سمعتهم صوته حلو.
_ عمري ما قولت لابني اعمل كذا.. بدل ما تقول لابنك ده صح وده عيب الأفضل يشوفك وأنت بتعمل الصح عشان هو قلدك.
_كل ما الوحد يكبر في السن والخبرة خوفه بيزيد أكتر لأن الفشل في التوقيت ده مينفعش خالص.
_عملت حوالي 117 مسلسل ده غير الأغاني اللى جوا المسلسلات.. أصبح عندي فوق 3 الآلاف أغنية.
