السيسي: عرضت على الخبراء الوزارة في 2014 ورفضوا وقالوا لينا تاريخ.. وهتدينا كام؟
حرص الرئيس عبد الفتاح السيسي، رئيس الجمهورية، على انتقاد البعض من النخبة والسياسيين والاقتصاديين، بقوله: أنتم مش عارفين قيمة بلدكم وبتهدوا الدولة، الناس الغلابة اللي بيجي حد يتجوز بناتهم بيوضبوا البيت عشان اللي جاي يشوفه كويس، هل إحنا عملنا كده؟.. طيب والغني، إحنا بنحط تراب من غير ما نقصد ليه؟!".
وأضاف السيسي خلال كلمته بالجلسة الختامية للمؤتمر الاقتصادي، إن تجهيز الدولة المصرية، والقوانين اللي بنحطها ملهاش علاقة باللي موجود وبنطالب الوزير إنه يعمله، والبرلمان يجي ويحاسبه، ويدي الوزير على وشه، ووزير التعليم العالي على وشه ووزير الصحة، وده على حاجات مش موجودة" متابعًا: المسار الفكري لتكوين دولة محتاج تضافر كل الجهود.
وتابع رئيس الجمهورية: كثير من الجالسين في المؤتمر، وناس اقتصاديين أعمق وأعلى منهم، في بداية 2014 التقيت بيهم، وعرضت عليهم الوزارة، رفضوا وقالوا لينا تاريخ، مستنكرًا: مستخسر تاريخك في بلدك، إحنا نعرف يعني إيه الحال ده هيفشل ويتحسب علينا، والتاني قالي هتديني كام أنا باخد مليون و2 مليون في الشهر؟!، وأنا مقدرش، فبيقولي أنا خلاص في خليني مجالي ولو فيه نصيحة هقدمها.
كلمة الرئيس السيسي في المؤتمر الاقتصادي
كان الرئيس عبد الفتاح السيسي، رئيس الجمهورية، قد وصل صباح اليوم، لمقر إقامة المؤتمر الاقتصادي، بالعاصمة الإدارية، وذلك لإلقاء خطاب الختام وإعلان توصيات المؤتمر وما شهده من جلسات على مدار الـ 3 أيام من الانعقاد.
يأتي انعقاد المؤتمر في إطار مساعي الحكومة المصرية، لوضع خارطة طريق للاقتصاد المصري وتعافيه، وذلك في إطار الأزمات التي مر بها جميع دول العالم، وذلك بحضور عدد من الوزراء ورجال الأعمال، وكذلك مشاركة بعض الأحزاب السياسية.
