خالد الجندي: الرئيس يقدر معاناة الناس.. إحنا في حالة حرب ولابد من التصدي للشائعات
قال الشيخ خالد الجندي، عضو المجلس الأعلى للشئون الإسلامية، إن الحياة فى مصر تسير بصورة طبيعية والأعمال، مضيفا: الإنجازات على أرض الواقع فى استمرار رغم غلاء المعيشة.
خالد الجندي: الرئيس تحدث بكل صراحة ويقدر معاناة الناس.. وتوقفوا عن الشائعات إحنا في حالة حرب
وتابع خالد الجندي، عضو المجلس الأعلى للشئون الإسلامية: رئيس الجمهورية يتحدث بكل صراحة وتقدير لمعاناة الناس، والرئيس قال وأقسم أنه عارف إنه دخل شهري أقل من 10 آلاف جنيه لا يكفي، ما يتطلب مننا إن نكون فى حالة اصطفاف وطني.
وأضاف خالد الجندي، عضو المجلس الأعلى للشئون الإسلامية، خلال حلقة برنامج لعلهم يفقهون، المذاع على فضائية dmc، اليوم الأربعاء: طول ما أنا ماشى عمال اسمع شائعات وكلام ومحاذير ومخاوف لا أساس لها من الصحة، رغم إن كل الحياة عادية، فالجامعات شغالة والمدارس شغالة، والمصانع شغالة، حتى المسارح والأوبرا، والبلد كلها شغالة، وفي مباريات كرة القدم، أيوة في أزمات لكن ده في العالم كله.
وواصل خالد الجندي، عضو المجلس الأعلى للشئون الإسلامية: أظن البعض مستني أكلمك على الجنابة والطهارة وحكم السواك، طبعا الحاجات دي لها كل الاحترام، لكن إحنا عندنا ما أهم من ذلك، أحداث عالمية، العالم كله بيعانى من أزمة الحرب العالمية اللى شغالة، والموجات الترددية بتاعتها تختلف من بلد إلى أخرى.
وأكمل خالد الجندي، عضو المجلس الأعلى للشئون الإسلامية: الناس اللى قاعدة تنظر على السوشيال ميديا، إحنا في حالة حرب، لازم نكون حساسين لأي كلام، لو قاعد في المترو وحد من الفتايين اتكلم وبيفتى، لازم نوضح له الإنجازات من المياه والكهرباء والمواصلات ووفرة السلع، والطرق التي لولاها لكانت البلد في حالة شلل تام.
