عمرو أديب لـ التجار بعد ارتفاع سعر الصرف: أنتوا بتخربوا السوق ومحدش هيشتري حاجة
انتقد الإعلامي عمرو أديب، تصرف التجار بزيادة أسعار بعض السلع الغذائية بعد ارتفاع سعر الصرف، مضيفًا: أنتم بتخربوا السوق، محدش هيشتري حاجة.
مستقبل سعر الدولار محدش يعرفه
وقال الإعلامي عمرو أديب، خلال برنامج الحكاية مساء اليوم الجمعة: مستقبل سعر الدولار محدش يعرفه، ولكن نظريا إذا صارت الأمور كما هو متوقع سيكون هناك حالة من التوازن.
مفيش رقم واضح للدولار لحد دلوقتي
وأضاف الإعلامي عمرو أديب: مفيش رقم واضح للدولار لحد دلوقتي.. محدش يعرف حاجة.. وما يحدث من قبل بعض التجار في السوق يمكن وصفه بـ الجشع، إيه اللي طرأ من زيادة على مدخلات السلع عشان نشوف الزيادة في أسعارها بعد تحريك سعر الصرف، لازم يكون فيه إجراءات رقابية صارمة للحد من الزيادة غير المبررة في أسعار السلع.
سعر الدولار يشهد ارتفاعًا جديدًا مقابل الجنيه المصري
صعد سعر الدولار مقابل الجنيه في البنك المركزي المصري، أمس الخميس، من مستوى 19.67 جنيه للشراء و19.74 جنيها للبيع، إلى مستوى 22.85 جنيه للشراء، و22.99 جنيها للبيع، محققًا أعلى مستوى له على الإطلاق متخطيًا الحاجز المسجل في عام 2016 عندما تم تحرير سعر الصرف، وتعويم الجنيه أمام العملات الأخرى، في عهد المحافظ السابق للبنك المركزي طارق عامر.
