السيسي لرجال الصناعة: بقالي 7 سنين في الشغلانة.. وعارف إن المواضيع بتتأخر وبتضيع علينا الفرص
قال الرئيس عبد الفتاح السيسي، رئيس الجمهورية، موجهًا حديثه لرجال الصناعة حول دراسات الجدوى ومدتها الزمنية، قائلًا: جدوى الموضوع محسوم، لو بعمل موضوع مش عارف أبعاده ايه والسوق بتاعه محتاج ايه، هجيب متخصصين يدرسوا.
وأضاف السيسي خلال حديثه وكلمته في الملتقى والمعرض الدولي الأول للصناعة: أن هدفه يقول لكل الحاضرين من رجال الصناعة مبقاش عندنا وقت نفقده في الدراسات في الموضوعات المحسومة، ووجه سؤالًا: في حد هياخد طاقة أرخص من الطاقة اللي بتاخدها في مصر غاز أو كهربا؟، وتابع: لو سعرت الكهربا هتضرب 10 مرات في الرقم بتاع دلوقتي، وده مش هيحصل عشان حريصين على الاستقرار.
الملتقى والمعرض الدولي الأول للصناعة
واستكمل السيسي: انتوا بتضيعوا وقت كتير وفرصة كبيرة جدًا واتصور أن أي تحدي في مصر وخلال السنيين اللي فاتت كان بيولد فرصة وليس عقبة لو كان عندنا الإرادة والاستعداد، في كتير من الأنشطة اللي بتتعمل بتحتاج دراسات في حاجات باينة وواضحة جدًا، زي المعدات كلها اللي بنجيبها، وتابع: عاوزين البلد تقوم وشعبها يحس، أنا بقالي سبع سنيين في الشغلانة عارف أن المواضيع بتتأخر وبتضيع علينا فرصة.
ووصل الرئيس عبد الفتاح السيسي، رئيس الجمهورية، منذ قليل، إلى مقر مركز المنارة للمؤتمرات؛ لإطلاق الملتقى والمعرض الدولي الأول للصناعة، والذي ينظمه اتحاد الصناعات المصرية وذلك بمناسبة مرور 100 عام على تأسيس الاتحاد.
ومن جانبه، صرح بسام راضي، المتحدث الرسمي باسم رئاسة الجمهورية، بأنه من المقرر أن يشمل الملتقى والمعرض الدولي الأول للصناعة الذي يقام تحت رعاية الرئيس عبد الفتاح السيسي، عددًا من الأجنحة الضخمة للصناعات المتنوعة، وعلى رأسها قطاع الصناعات الهندسية وصناعة الآلات والمعدات والماكينات.
وهناك عدد كبير من المستثمرين ورجال الأعمال العرب والأجانب، وعدد من أعضاء الغرف التجارية والصناعية وممثلو البعثات الدبلوماسية لدى جمهورية مصر العربية ورجال الأعمال ومجلس إدارة اتحاد الصناعات المصرية، وممثلو قطاع البنوك والكيانات الاقتصادية وأعضاء الحكومات، لعدد من الدول الشقيقة والصديقة، سيشاركون اليوم، في إطلاق الملتقى والمعرض الدولي الأول للصناعة.
