سهير جودة: الموسيقى زي الصلاة بتدي إحساس بالأمان والراحة
قالت الإعلامية سهير جودة إن مصر تعيش ليالي مميزة حاليا، بسبب مهرجان الموسيقى العربية، في دورته الـ 31، التي انطلقت في الأيام الماضية، مشيرةً إلى أن الموسيقى مثل الصلاة، كلاهما يعطي الشعور بالأمان، حسب وصفها.
وتحدثت سهير جودة عن هذا الأمر، خلال تصريحات تلفزيونية لها، إذ قالت: الموسيقى زي الصلاة، بتدي إحساس بالأمان في الكون، وبتدي الإحساس بالبراح والراحة، ومهرجان الموسيقى العربية فيه مطربين من كل الدول العربية، من مصر في مطربين قدام وجداد، ومطربين عرب كبار.
وأضافت سهير جودة: الأصوات مميزة في المهرجان زي مي فاروق وآيات فاروق ومروة ناجي، هن أصوات محتاجة صناعة، هما نجوم بكل ما تحمله الكلمة من معنى، وهما عندهم كل مهارات النجوم، زي الصوت والحضور اللافت على المسرح، لكن إحنا ناقصنا صناعة النجوم ومحتاجين المهرجان ده أكتر من مرة في السنة، ومحتاجين نسمع هاني شاكر وعاصي الحلاني وراغب علامة وعفاف راضي وعلي الحجار ومدحت صالح أكتر من مرة في الأوبرا.
تصريحات سهير جودة
واستكملت جودة: كل الناس اللي كانوا موجودين في مهرجان الموسيقى واللي مستمر حتى يوم الخميس الجاي حالة من الروعة، أكتر حاجة ممكن تستوقفك الناس، والمسرح بيبقى فيه 2000 واحد، وأغلبهم ناس بتيجي على كرسي أو على عكاز، والجمهور اللي بيحضر المهرجان بيقولوا إن مصر لسه بخير، ذوقها لسة حلو، وإن قوة مصر الناعمة هتفضل كبيرة ومؤثرة.
