شيرين: ما اتجوزتش غير مرة.. ولو أتجوزت هحتاج ملاك مش إنسان
صرحت الفنانة شيرين، بأنها لم تتزوج سوى مرة واحدة وأنجبت ابنة واحدة، مشيرة إلى أنها لم تكن متفرغة للزواج لأنها كانت منشغلة بأسرتها وعملها بالفن وقضايا أخرى.
وقالت شيرين لـ القاهرة 24: عمري ما أتجوزت غير مرة، يوريني نفسه اللي اتجوزني لو هو راجل ابن راجل، لما أتجوز لازم أكون باتباهى بيه وأن سمه هيرتبط باسمي وأنا مش متجوزة عرفي ولا رسمي هي مرة وعندي بنت واحدة، لأن كان عندي أسرتي وقضايا كتير بتشغلني مش فاضية أتجوز النهاردة وأطلق بكره هشوفه فين ده هيكون مسكين لأنه مش هيلاقيني.
وأضافت: الفن بيقوله زي الفريك ما يحبش شريك، ولو كنت أتجوزت هكون محتاجة لحد عنده سعة صدر وملاك نازل من السما في صورة راجل علشان يتفهم ظروف شغلي ومش الفن بس مهن كتير تانية زي الدكاترة، والست اللي متجوزة دكتورمظلومة خاصة لو كبير ومشهور وله اسم، مش هيقى موجود لأنه هيكون بيعمل عمليات.
عادل إمام
من ناحية أخرى، أعربت الفنانة شيرين عن غضبها من الشائعات التي تخرج من حين لآخر على الزعيم عادل إمام، والتي تزعم وفاته، داعية الله أن يمد بعمره حتى يخذل جميع من أصدروا هذه الشائعات.
وقالت شيرين لـ القاهرة 24: منهم لله ألف مليون مرة اللي بيموتوا عادل إمام، وحسبي الله ونعم الوكيل فيهم، ويا رب الزعيم يعيش 160 أو 170 أو 180 سنة ويخذل الناس كلها، والأعمار بيد الله، لكن كفاية الناس تكون هيفا وفاضية، الناس زمان كانت بتقرأ الجرنال وتعرف وتتثقف ولكن للأسف دلوقتي الناس معلوماتها من السوشيال ميديا، زمان قبل السوشيال ميديا كنا مثقفين.
