سلوى خطاب: ما بحسش بالفقد من عدم الخلفة وما فكرتش أتبنى
أكدت الفنانة سلوى خطاب، أنها متعايشة مع عدم إنجابها ولم تشعر بالفقد، مشيرة إلى أن عدم إنجابها كان جزءا منه تدخل منها كونها شعرت بالخوف من إنجاب طفل في وسط هذا المجتمع.
وقالت سلوى خطاب لـ القاهرة 24: موضوع الخلفة قدري وما نقدرش نتدخل في القدر، وباخد الأمر بصدر رحب، وفي جزء من الموضوع يرجع لأني ماحبتش أتجوز تاني علشان أخلف، وكان ليا رأي أنه بلاش أجيب ولاد يبتعبوا في وسط الناس والمجتمع ده.
وأضافت متسائلة: إذا كنت أنا فجأة بعاني وأنا أكتر خبرة، وحتى لو ربيت كويس أوي مش هيعرفوا يتعاملوا والمجتمع هيبوظهم، والأولاد مسؤولية كبيرة، ونقطة ضعف، لازم نضحي عشانهم ويا أشتغل يا أربي.
وأشارت سلوى خطاب أنها لم تفكر في التبني أيضًا، لأنها شعرت أنه نفس المسؤولية، موضحة: هي نفس المسؤولية لأن المتبني ليه نفس الحقوق مش هسيبه فيبقى قد المسؤولية أو لأ.
أحدث أعمال سلوى خطاب
من ناحية أخرى، كشفت الفنانة سلوى خطاب تفاصيل دورها في الجزء الثاني من مسلسل رمضان كريم 2، المقرر عرضه في الماراثون الرمضاني 2023، بعد تقديم الجزء الأول عام 2017، قائلة: ما كنتش حابة أقدم دور بلدي تاني ولكن الدور مكتوب بشكل كويس وحمسني للعودة، والعمل مع نفس الأبطال إضافة إلى انضمام أبطال جدد.
واختتمت: المعلمة سميرة ست صاحبة قهوة ومعلمة وسط الحارة والناس بتعبترها ست كُمَّل وبتعمل لها حساب، والأدوار الشعبية مرهقة جدًا بالنسبة لي وأتمنى تقديم شخصية سميرة بشكل مختلف ومحتاجة كفاح.
