أحمد موسى: كل بلاد العالم تعاني.. ومحدش طلع من مواطنيها اشتكى من أسعار ولا عايز ينزل يخرب
قال الإعلامي أحمد موسى، إن العالم أجمع لديه أزمات، مضيفًا: مفيش دولة في العالم معانتش، ومحدش طلع من مواطنيها اشتكى من أسعار ولا عايز ينزل يخرب.
وأضاف موسى، خلال برنامجه على مسئوليتي، المذاع عبر فضائية صدى البلد، مساء اليوم الأربعاء: مفيش دولة في العالم دعت للتظاهر إلا جماعة الإخوان اللي خارج مصر، دي مجموعة فتن وتستهدف الشعب والدولة والمؤسسات.
مفيش في مصر الفترة دي إي زيادات
وتابع أحمد موسى: مفيش في مصر الفترة دي إي زيادات، بس اللي في الخارج عايزين يخربوا مصر، جماعة إرهابية مش عايزين مصر تستقر.. وكل الناس لازم تعرف مين اللي عايز يدمر مصر؟ دول هما اللي خربوا مصر من قبل.
وأكمل أحمد موسى: هما اللي فجروا ودمروا، وجميع ما يتم بثه عبر قنوات الإخوان تتلقى تعليماتها من أجهزة استخبارات، وكل اللي بيقولوه شائعات.
ولفت موسى، إلى أن الإخوان يستخدمون الدين وسيلة من أجل الوصول إلى الحكم؛ فسابقًا كانت شعاراتهم "الإسلام هو الحل من أجل الوصول للحكم؛ ونحن نعرف الدين وهؤلاء لا يعرفونه؛ لأنهم يدعون لإسقاط الوطن، والتحكم في مفاصل الدولة؛ وأنا بعرض ده عشان يكون المواطن عارف إن هدف جماعة الإخوان الإرهابية هو خراب مصر، والعودة للحكم بقوة السلاح.
