أمي بكت بسبب برنامج الأكيل وكنت مضطر أشتغله.. أبرز تصريحات مراد مكرم في برنامج أنا سعيد
تحدث الفنان مراد مكرم، عن الكثير من أسرار حياته في برنامج أنا سعيد، الذي يقدمه الإعلامي سعيد جميل، المذاع عبر شاشة القاهرة والناس.
وأكد مراد منير خلال الحلقة، أنه كان مضطرا لتقديم برنامج الأكيل، قائلا: كنت مضطر.. لازم أشتغل وأدخل فلوس عشان أنا راجل متجوز ومخلف.
وأضاف مراد مكرم: اضطريت أعمل البرنامج.. كنت متجوز ومخلف.. هو ابتدى 2013 واتذاع 2014.. وكانوا سنتين بعد الثورة وكان البيزنس الخاص بتاعي مش شغال.. وأنا مش شغال مذيع من 2008 والدراما والسينما وكل حاجة بسبب الثورة كانت واقفة.
وأوضح مكرم: مكنتش متوقع نجاح البرنامج.. أمي بكت وشتمتني عشان قدمت البرنامج.. مكنش وقتها في حاجة اسمها فود بلوجر.. وربنا أراد إني يكون مخرج مبيحبنيش كمذيع يشوفني في البرنامج فيقول ينفع في دور معين؛ فأعمل الدور ويفرقع.
مراد مكرم وتفاصيل زواجه
وكشف مراد مكرم تفاصيل ارتباطه بزوجته، متابعا: كان حلمي وأنا شاب مراتي ما تشتغلش، لكن لما تعرفت عليها كانت مديرة ومينفعش أقهرها.
وتابع مراد مكرم: أول ما ابتديت أحس إني معجب عزمتها على العشا وقلتلها كل عيوبي، وعشان كده بقالنا 18 سنة مع بعض.. ارتباطي بمراتي كان قدري، بدليل إني يوم ما اتقدمتلها مكنش معايا في البنك ولا جنيه، وعملتلها أحسن فرح وسافرنا شهر العسل في إسبانيا، وخدت بيت في زايد، كل ده خلال سنة الخطوبة.
