أحمد زاهر: التمثيل أصعب مهنة في التاريخ.. ومفيش طبيب أو مهندس يقدر يشتغل عدد الساعات اللي بنشتغلها
تحدث الفنان أحمد زاهر عن صعوبات العمل في مهنة التمثيل، مشيرًا إلى أن التمثيل أصعب مهنة في التاريخ.
وقال أحمد زاهر في لقاء تلفزيوني: بندمر نفسيتنا بالتمثيل لأن المشاعر ممكن تموت الناس فممكن تموتي من الزعل وبتعيشي نفسك في مشاعر معينة 13 أو 14 مشهد فالجهاز العصبي عندنا بيدمر والناس فاكرة إننا بنهزر وبنشرب شاي ولكن إحنا أخطر شغلانة ممكن تدمر أي يني آدم لأننا بندمر مشاعرنا وأحاسسينا.
وأكد أحمد زاهر أنه كان لا يحب أن تعمل ابنتيه ليلى وملك في التمثيل قائلًا: طول عمري مش عاوزهم يدخلوا الوسط ولولا إصرار تامر حسني ماكنتش وافقت عشان المهنة صعبة، خاصة على الستات وصعبة نفسيا ومواعيدها وحشة، لأننا بنصور 26 ساعة متواصل مش تلات ساعات وبنصور في عز التلج وإحنا لابسين صيفي والعكس، أنا صورت 36 ساعة في مسلسل، هاتي لي دكتور أو مهندس او قاضي أو أي مهنىة يقدروا يشتغلوا على رجلهم الساعات أنا آسف ماحدش يقدر لأن شغلتنا أصعب مهنة في التاريخ.
من ناحية أخرى، كشف أحمد زاهر معايير اختيار أدواره، قائلًا: لو الشخصية هتعلم مع الجمهور هعملها حتى لو من غير فلوس، أساس أي حاجة موهبة وبعدها بتيجي الخبرة والدراسة ومذاكرة الشخصية، أنا قعدت مع دكاترة نفسيين وظباط ومحامين علشان آخد منهم تفاصيل أحطها على شخصيتي لو خدت الشخصية زي ما هي من السيناريو مش هعملها كويس، يوم عن يوم الواحد بيزداد خبرة وتفكيره بيكبر، حتى المواقف الإنسانية بتغير، ولو الإنسان نجح بيكون عليه مسؤولية أكبر.
وأشار أحمد زاهر إلى أن الكيماء بينه وبين الممثلين عنصر أساسي موضحًا: لو مفيش كيمياء مش هعرف اشتغل، والكيماء بيني وبين روجينا ومحمد سامي في حتة تانية.
