أمل رزق: اتعميت 6 شهور بسبب صدمات.. ودعيت ربنا في رمضان والدكتور استغرب إني رجعت أشوف تاني
كشفت الفنانة أمل رزق تعرضها لوعكة صحية شديدة عام 2013، نتيجة التفكير الزائد، مما أدى إلى انفجار أحد الأعصاب بـ رأسها.
وقالت أمل رزق، في تصريحات تلفزيونية: في 2013 كان ربنا ابتلاني كان عندي شوية صدمات وكنت بفكر كتير جدًا وعندي عصب في دماغي ضرب واتعميت 6 شهور، ودعيت ربنا في رمضان وقُلت يا رب لو قومت أول حاجة هعملها إني هحج، والدكتور استغرب إني رجعت أشوف تاني.
وتحدثت الفنانة أمل رزق، عن فسخ خطبة ابنتها لمى كتكت، من الفنان محمد الشرنوبي، قائلة: دعيت في الكعبة من قلبي وقلت لو محمد الشرنوبي فيه خير من بنتي يقربه ولو شر يبعده لأن دي بنتي الكبيرة وأول فرحتي وطيبة ونقية، وأنا في الطيارة قالت لي ماما أنا وشرنوبي انفصلنا.
أمل رزق
وعلى جانب آخر، تحدثت الفنانة أمل رزق، خلال تصريحاتها عن فترة زواجها من المنتج الراحل إسماعيل كتكت، قائلة: لما اتجوزت المنتج إسماعيل كتكت، كنت بسمع الناس في الأوضة اللي جنبي في البلاتوه، بيقولوا عيلة صغيرة وضحكت عليه وبكرا هيعملها وجايب لها معالق ألماظ في البيت، وده مكنش له أي أساس من الصحة مخلتهوش يعملي بطولات ومكنتش هقبل، وهو مكنش عايز ينتج ليا من الأساس.
وأضافت أمل رزق، إن كبريائها كان يمنعها من الطلب من زوجها أن ينتج لها أعمالًا، قائلة: كان بيقولي لا يصح إلا الصحيح، وإحنا هنبدأ واحدة واحدة، ولكن بعد فترة كنت بلمح له إنه ينتج ليا وسألني إيه اللي اتغير فيا لأن كبريائي كان بيمنعني أسأله.
