أمل رزق: دعيت ربنا في الكعبة لو محمد الشرنوبي فيه شر يبعده عن بنتي.. وأنا في الطيارة قالت لي أنا فسخت
كشفت الفنانة أمل رزق، سبب انفصال محمد الشرنوبي عن ابنتها، مشيرة إلى أنها دعت الله في الحج أن يقربه منها لو يحمل خيرًا ويبعده عنها لو به شر ودعوتها أجيبت.
وقالت أمل رزق، في لقاء تلفزيوني: دعيت في الكعبة وقلت لو محمد الشرنوبي فيه خير من بنتي يقربه ولو شر يبعده وربنا يسعدها ويوفقها علشان دي بنتي الكبيرة أول فرحتي وطيبة ونقية ودعيت من قلبي وقتها.
وأضافت: بدعي لولادي من قلبي إن ربنا يقدم لهم كل خير وبتمنى ليهم السعادة، وأنا في الطيارة قالت لي ماما هقول لك خبرين الخبر الأول جالها شغل بتحبه والخبر التاني قالت لي ماما أنا انفصلت عن الشرنوبي قلت لها اللي فيه الخير يقدمه ربنا واللي إنت مقتنعة به أنا في ضهرك.
كما تحدثت أمل رزق عن أزمة تعرضت لها عام 2013، قائلة: ربنا ابتلاني وكان عندي شوية صدمات وكنت بفكر كتير جدًا وعندي عصب في دماغي ضرب واتعميت 6 شهور، ودعيت ربنا في رمضان وقُلت يا رب لو قومت أول حاجة هعملها إني هحج، والدكتور استغرب إني رجعت أشوف تاني.
آخر أعمال أمل رزق
يُشار إلى أن آخر أعمال أمل رزق مشاركتها في مسرحية زقاق المدق مأخوذة عن رواية الأديب نجيب محفوظ، وضمت المسرحية العديد من الفنانين منهم دنيا عبد العزيز، بهاء ثروت، مجدي فكري، بثينة رشوان، شمس، كريم الحسيني، أحمد صادق، سيد جبر، عبد الله سعد، حسان العربي، سيد عبد الرحمن، ومجموعة أخرى كبيرة من الفنان والوجوه الشابة، رؤية درامية وأشعار محمد الصواف، إخراج واستعراضات عادل عبده.
