معتز هشام: دور عامل النظافة في وعد إبليس كان تحديًا لي
كشف الفنان الشاب معتز هشام كواليس مسلسل وعد إبليس والتعاون مع المخرج الأجنبي كولين توج، مؤكدًا أن شخصية عامل النظافة كانت تحديا كبير له.
وتحدث معتز هشام عن تعاونه مع المخرج الأجنبي، وعن حماسه للمشاركة في العمل، وذلك خلال حواره مع القاهرة 24، حيث قال: في الأول أما كلموني وقعدت مع المخرج كولين تيج، وشرحلي المسلسل بيتكلم عن إيه، لقيت العمل كويس جدًا، وجديد علينا في مصر، ومع نجوم كبار، واتحمست جدًا للعمل معاهم، ودي تاني مرة اشتغل مع الفنان عمرو يوسف، المرة الأولى كانت في مسلسل أحمس، فاتحمست جدًا للدور.
وتابع معتز هشام حديثه عن شخصية ربيع التي جسدها في مسلسل وعد إبليس والصعوبات التي واجهها، إذ قال: ربيع عامل نظافة في مستشفى، وده بالنسبالي جديد إني أشوف شاب عامل نظافة في مستشفى، كان تحدي كبير، وطول الوقت هتمسح بالمساحة، والجزء الثاني من الصعوبة إن الشخصية جواها جنية.
معتز هشام: كنت بتفرج على فيديوهات لدور عامل النظافة
وأردف معتز هشام في حديثه: كنت بذاكر وبحضر ده إني كنت بتفرج على فيديوهات شبيه لدور، وكنت باخد التفاصيل اللي أنا محتاجها، والباقي من شرح المخرج، ومشهد الجنية اللي بتخرج كان مذاكرة مع نفسي في البيت، ومتعب إنه اتصور على يومين، والمفروض إني أجي تاني يوم بنفس الطاقة بالظبط، ومشهد الجري ده كان عادي.
