نبيلة عبيد عن ترشيح سوسن بدر لـ فيلم ساعة إجابة: بباركلها وهصقفلها لما أشوفه
علقت الفنانة نبيلة عبيد على ترشيح الفنانة سوسن بدر لفيلم ساعة إجابة، بعد اعتذارها عن المشاركة به، الذي كان يشهد عودتها للسينما بعد غياب العديد من السنوات.
وقالت نبيلة عبيد خلال تصريحات خاصة لـ القاهرة 24، أنا عاصرت سوسن بدر وعملنا سويًا، وهي روحها عالية جدًا، وسوف أهاتفها وأبارك لها، وأقول لها بالتوفيق، وسأُصفق لها أيضًا عندما أرى الفيلم ويتم طرحه.
أما عن سبب اعتذارها عن فيلم ساعة إجابة، أضافت: المخرج محمد خضر هو اللي جه وشرحلي الدور وجاب مدير الإنتاج واتفقوا معايا ومضيت قدام واتفقنا على الأفيش، وجالي مرة تانية وجابلي الاستايلست واتفقنا على اللبس، وفوجئت إن المخرج محمد خضر اتغير، وكلمني قالي أنا سيبت الفيلم.
وتابعت نبيلة: أصبح مفيش قدامي حد تاني عشان أتعامل معاه، فبالتالي أنا معتذرة، واتفاجئت بأنهم بيقولولي انزلي اشتغلي فيه مخرج تاني، فقولت لا بعتذر لأن اللي كان قدامي وشرحلي هو محمد خضر، ودلوقتي عرفت إن سوسن هتعمله، بهنيها وهي تصلح للدور وسوسن حبيبتي وسعيدة إنها هتشتغله.
أبطال فيلم ساعة إجابة
يضم فيلم ساعة إجابة العديد من الفنانين، منهم: سوسن بدر، نجلاء بدر، انتصار، إيمان السيد، محمد ثروت، أحمد فتحي، محمد محمود عبد العزيز، عباس أبو الحسن، فراس سعيد، فيدرا، شريف سلامة، آيتن عامر، أحمد طلعت، مجدي البحيري، لطيفة فهمي.
