أحمد زاهر: بتأنى في اختيار شغلي لأني عند الناس في حتة تانية
كشف الفنان أحمد زاهر، أنه يتأنى في اختيار أعماله الفنية، وكذلك أعمال ابنتيه ليلى وملك، مشيرًا إلى أنه لا ينجرف وراء الشهرة والتواجد ويهمه العمل الجيد.
وقال أحمد زاهر لـ القاهرة 24: بتأنى في شغلي وشغل بناتي ولو لقيت حاجة كويسة أوي بشتغلها لو مش كويسة أفضل السكوت والقعدة في البيت ليا ولولادي أنا عند الناس في حتة أني ممثل كويس وباختار كويس ومش مسألة شهرة وتواجد لكني بنقي اختياراتي علشان كده ده اللي مأخرني.
يوجه رسالة لـ شيرين عبدالوهاب:
وحرص أحمد زاهر على توجيه رسالة دعم إلى المطربة شيرين عبد الوهاب بمناسبة خروجها أمس من المستشفى بعد تحسن حالتها الصحية، قائلًا في تصريحاته لـ القاهرة 24: ألف حمد لله على سلامتك يا أغلى نجمة في قلوبنا وهترجعي وتوقفي على رجلك وهتبقي زي الفل، لأنك أنثى بمية راجل وكل الناس بتحبك ومستنياكي ولا كأن في حاجة حصلت.
تعرض أحمد زاهر لانتقادات
من ناحية أخرى، تعرض أحمد زاهر لبعض الانتقادات بعد وصفه التمثيل بأصعب مهنة وأنه لا يستطيع أحد في أي مهنة سواء طبيب أو مهندس أو قاضي العمل أكثر من 12 ساعة مثل الممثل.
وقال أحمد زاهر ردًا على الانتقادات: مش بحب التريند السلبي، وطول عمري سمعتي فيها احترام وتقدير وعاوز أحافظ على نفسي وسمعتي، ومش عاوز التريند.
