رمضان عبد المعز: بعض الناس تتصرف كأنها مندوب العناية الإلهية | فيديو
قال الشيخ رمضان عبدالمعز، الداعية الإسلامي، إن المؤمنين الملتزمين بشعب الإيمان الأخلاقية، لهم ما يشاؤون عند ربهم، لافتًا إلى أنه من صفات المؤمن وشعب الإيمان جبر الخواطر.
رمضان عبد المعز: المؤمن ميزعلش حد ولا يشتم الناس ويجرحهم
وأردف عبدالمعز، خلال حلقة برنامج "لعلهم يفقهون"، المذاع على فضائية "dmc"، اليوم السبت: "المؤمن ميزعلش حد، مفيش حاجة اسمها اشتم الناس واجرحهم، وابقى سليط اللسان وأقول أصلي أنا صريح، دي مش صراحة دي وقاحة، مفيش حاجة اسمها تشتم وتجرح وتقول بتنتقد".
واستكمل: "الناس جرى لها ايه، تقعد تحاسب وتشتم، بإمارة إيه، ده ربنا قال لسيدنا النبي محمد صلى الله عليه وسلم، لست عليهم بميسطر، مش هتحاسبهم، ربنا بس هو اللي بيحاسب، من أوكل لنا مهمة أن نحاسب الناس، ده فيه ناس بتتعامل على إنها مبعوث العناية الإلهية، ده ربنا قال لسيدنا محمد فذكر، فقط، وما عليك إلا البلاغ، عشان كده سيدنا محمد عاش في الدنيا جابرًا للخواطر، يقولوا له ادعوا عليهم، يرد عليهم ويقول: لم أُبعث لعّانا، مستشهدا بقول الله تعالى: فذكر إنما أنت مذكر «21» لست عليهم بمسيطر «22» إلا من تولى وكفر «23» فيعذبه الله العذاب الأكبر «24» إن إلينا إيابهم «25» ثم إن علينا حسابهم «26».
