سحر رامي: أنا بعيدة عن شائعة الحجاب.. ومتعرضش عليا أدوار فيها بوس
كشفت الفنانة سحر رامي، رأيها في شائعة ارتدائها الحجاب، واعتزالها التمثيل في الفترة الماضية، كما أكدت أن التمثيل لا يوجد به شروط أو قوانين.
وتحدثت الفنانة سحر رامي عن شائعة ارتدائها الحجاب واعتزالها التمثيل، خلال تصريحات تلفزيونية بإحدى البرامج، إذ قالت: الجمهور مش بيبقى عارف إيه في المطبخ، إيه اللي جوه الموضوع يعني، وأصحابي وأهلي والجمهور في الشارع أم بيشوفوني بيقولوا إيه إنتي مش عايزة تشتغلي، كأن الواحد هو اللي بيشغل نفسه، أنا بعيدة خالص عن شائعة الحجاب، ودايمًا يربطوا بين الاعتزال والحجاب.
وتابعت الفنانة سحر رامي حديثها: أنا بعيدة خالص عن الموضوع ده، بعيدة عن إشاعة زي ديه، أنا مش متحفظة أنا طبيعية، ولو في أدوار مش بتناسبني مبعملهاش، ومش هحط فيها أسباب دينية أو أخلاقية، أنا معنديش مانع أي حد يعمل أي حاجة، مليش حكم في اختياره، ومعرفش طلعوا عليه الإشاعة ديه، ومش حاطة شروط للأدوار، والفن فن.
سحر رامي: لو في دور طالعة راقصة شرقية هلبس لبسها
واختتمت سحر رامي في حديثها عن طريقة اختيارها الأدوار وملابس الشخصيات، إذ قالت: لازم ألبس اللي يناسبني، لو في دور طالعة راقصة هلبس لبسها، وكنت عامله دور راقصة قبل كده، متعرضش عليا دور فيه بوس في الأفلام، ومعرفش لو أتعرض هعمل إيه، ومتحطش في الموقف ده.
