تفاصيل رسالة تامر حسني إلى جمهوره عبر إنستجرام
وجّه الفنان تامر حسني إلى جمهوره رسالة عن مجاهدة النفس، مشيرًا إلى أنه يجب اتخاذ قرارات حاسمة، وعدم الامتناع عنها.
وكتب تامر حسني منشورًا عبر حسابه الرسمي بـ إنستجرام، قائلًا: يوم جميل على الجميع كالعادة مش بعتبركم محبين فقط، لا أنا دايمًا بشوفكم ناس من أهلي حتى لو بعضكم معندوش الإحساس دا تجاهي.. أنا بقى عندي تجاهكم كلكم الإحساس ده، ودهإاحساس ربنا زرعه فيا معرفش ليه.
وأضاف تامر حسني: معرفش ليه مزروع فيّ القوة دي عشان كدة أقسم بالله أي خير بعرفه بحب أنقله ليكم فورًا.. كنت بقرأ موضوع مهم أوي بما أني مجنون قراءة، وحبيت أكلمكم عنه وهو مجاهدة النفس، وأثق أننا كلنا بنمر بظروف ومؤثرات وأفكار بتغير حاجات جوانا.. في ناس بتغيرها للأفضل، وفي ناس للأسوء، وكلامي لكل شخص حاسس من جواه أنه متضايق وعنده خطأ في فكره أو عقيدته وقناعته أوعادة سيئة ومعصية ثابتة مش عارف يتخلص منها أو صفة في شخصيته مش كويسة وفاقد الأمل في تصليحها.
واستكمل تامر حسني: عشان يصلحها ويتغير.. لازم أول حاجة يعترف بيها قدام نفسه، وميقاوحش ويبرر وجودها.. لازم يشوفها يبقى تعترف بيها قدام نفسه.. تاخد قرار حاسم في بدء الامتناع عنها.. تدرس المقابل لها في الصالح وتسعى في اتجاهه.. اختار أصحاب صفاتهم بعيدة عن هذه العيوب والعادات المشابهة.. اصبر على نفسك في التغيير.. يعني لو أخدت قرارًا ورجعت فيه مش معناه أنك فشلت.. لا خُد القرار تاني حتى لو فشلت في الإصلاح 100 مرى عادي.
واختتم حديثه، قائلا: خد كمل في إصرارك على التغيير والتطوير، وخد كمان مرة القرار.. أهم حاجة راقب نفسك وشوف مؤشر تحسنك بيزيد ولا ثابت.. خليك وراه، لحد ما يبدأ يعلى هتلاقي نفسك واحدة واحدة انتصرت على نفسك وكسبت التحدي.. نهاركم عسل زيكم.
