غادة عبد الرازق: أعاني من حب التملك.. والأطباء النفسيين عندهم حتة لاسعة
كشفت الفنانة غادة عبد الرازق تفاصيل مشاركتها في قصة تحت الحزام ضمن حكايات مسلسل حدث بالفعل، بجانب الحديث عن مصير فيلمها الجديد اتنين على اتنين.
وقالت غادة عبد الرازق خلال لقائها في برنامج The insider: قصة تحت الحزام هتكون تجربة جديدة وكلها أكشن وإثارة وبجسد دور طبيبة نفسية، وبحس الأطباء النفسيين عندهم حتة لاسعة من كتر اللي بيشوفوه وبيسمعوه من الناس ولكن شخصيتي في العمل مشكلتها النفسية بتدور حول ابنها.
وواصلت غادة عبد الرازق: لم ألجأ لطبيبي النفسي في مسلسل تحت الحزام على الرغم من أنه دايمًا بينصحني ألجأ له خصوصًا في المسلسلات النفسية، وأنا عندي حب تملك مع بنتي روتانا ومع أحفادي وبحب أكون محور حياتهم.
أما عن مصير فيلمها الجديد اتنين على اتنين، علقت غادة عبد الرازق، قائلة: فيلم اتنين على اتنين اتأجل بسبب انشغالي بـ مسلسل وكمان انشغال زينة بـ رمضان ومسلسل الليلة واللي فيها، وفيلم اتنين على اتنين محتاج تركيزنا عشان يطلع بالجودة المطلوبة.
ويذكر أن حكاية تحت الحزام تضم عدد كبير من الفنانين، أبرزهم يوسف عثمان وبسنت حاتم، ومن تأليف فادي النجار، ومن إخراج محمد هشام الرشيدي.
آخر أعمال غادة عبد الرازق
ومن ناحية أخرى، قدمت غادة عبد الرازق العديد من الأعمال الفنية التي حققت نجاحا كبيرا، من بينهم مسلسل لحم غزال بالتعاون مع شريف سلامة، مي سليم، وفاء عامر، خالد محمود وأشرف عبد الغفور.
