من حقنا نعيش بصحة كويسة.. فتاة تخطف الأنظار بلهجتها الصعيدية في قمة المناخ وتطالب بحماية الأطفال | فيديو
فتاة تبلغ من العمر 16 عاما تُدعى أشرقت، خطفت الأنظار بلهجتها الصعيدية خلال مشاركتها في قمة المناخ Cop 27 والمستمر حتى 18 نوفمبر، حيث طالبت أشرقت بضرورة وأهمية مشاركة الأطفال في القرارات الخاصة بالتغيرات المناخية.
فتاة تثير إعجاب الحضور بقمة المناخ
وقالت أشرقت خلال الجلسة: من حقنا كأطفال نعيش بصحة كويسة، نتعلم كويس وناكل كويس وكمان نشرب كويس، لكن متخيلين التغيرات المناخية هتعمل فينا إي؟، إحنا هنتحرم من أبسط حقوقنا بسبب مشكلة إحنا ملناش ذنب فيها.
وأضافت أشرقت: إحنا جينا نوصل صوتنا ليكوا وللعالم كله، ونقولكم بأعلى صوت كفاية، إحنا عايزين نعيش مستقبل كويس، زي ما الأجيال اللي فاتت عاشت المستقبل ده، خصوصًا إننا ملناش ذنب في اللي بيحصل.
وتساءلت أشرقت خلال الجلسة: هي الأفكار والمقترحات اللي بنقدمها دي هتروح فين بعد المؤتمر؟ هل هيتم تنفيذها ولا محدش هيهتم بيها؟..إحنا بنهتم السنادي مؤتمر قمة المناخ يكون نقطة تحول للأفضل.
واستكملت أشرقت كلمتها: إحنا بنطالب بالتعاون مع بعض في اتخاذ القرارات وحلها في أسرع وقت ممكن، ونحط شعار يفضل قدامنا على طول ويتردد في أذهانا هو: أنقذوا العالم أنقذوا البشرية.
وفي سياق متصل، ألقى الرئيس الأمريكي جو بايدن كلمة بلاده خلال قمة المناخ Cop 27 المنعقد في مصر مدينة شرم الشيخ، موجهًا الشكر للمبعوث الرئاسي للتغيرات المناخية جون كيري، للتسهيلات التي قدمها في مجال مكافحة التغيرات المناخية.
