المطرب فريد: الشباب اللي في سني خدوا دفعة بعد نجاح بأمارة مين.. ومفكرتش أشارك ببرامج المسابقات
كشف المطرب فريد، أسباب عدم مشاركته في برامج الغناء والمسابقات مثل أرب آيدول وغيرها، كما تحدث عن إيجابيات وسلبيات السوشيال ميديا، في ظل الانتشار السريع وكثرة الشائعات عليها، موكدًا إن برامج الغناء لم تكن الهدف الأساسا التي يعمل عليه منذ بداية دخوله مجال الفن.
فريد: مفكرتش أقدم في برنامج مسابقات ملقيش شركة إنتاج
وقال فريد، في ندوته بـ القاهرة 24، إنه لم يفكر في التقديم لبرامج المسابقات والغناء، لأنه يوجد بها العديد من الظلم من قِبل التصويت، معلقًا: مفكرتش أقدم في برنامج المسابقات، لأن كنت حابب أوصل للجمهور بأغنية.
وتابع فريد: وإحنا صغيرين في الأوبرا، كان بيقولنا نقدملك في برامج المسابقات للغناء، زي أرب آيدول، وذا فويس، كنت برفض ومكنتش حابب الموضوع من وجهة نظري، كنت شايف إني عايز أعمل أغنية توصل للجمهور أفضل من إني أقدم في برنامج، كنت خايف أرجع ملقيش شركة إنتاج كنت هتعب أكتر.
تصريحات فريد
وواصل فريد، حديثه قائلًا: كتير من مطربي مسابقات الغناء اتظلموا، خصوصا الموسم اللي كان فيه محمد عساف والفنان أحمد جمال كنت متابعه جدًا وكان أفضل موسم، كنت شايف الاتنين مركز أوال، التصويت ظلمهم.
كما تطرق، فريد، للحديث عن سلبيات وإيجابيات السوشيال ميديا، مؤكدًا إن إنها ساعدت على انتشار العديد من المواهب في فترة قصيرة، مردفًا: السوشيال ميديا عامل مساعد جدًا للانتشار، في الأول وقبل ما يقابلني أحمد جمال كنت بشتغل عشان أنتج لنفسي، ذلك نزلت الفيديو كلمني والحمد الله ربنا كرمنا مع بعض.
واستكمل حديثه قائلًا: الشباب اللي في سني بيجتهدوا وخدوا أمل أن الأغنية الحلوة بتتسمع، وناس كتير من أصدقائي بقت شغالة وابتدوا ينزلوا أغاني والموضوع اختلف معاهم.
وعن مميزات السوشيال ميديا وسلبياتها قال أحد فريد: ميزة السوشيال ميديا لو حاجة حلوة والناس حبتها هتوصل لكل الناس، والعيب الشائعات الكثير والناس بقت بتصدق أي حاجة.
