مستاهلش أعيش في الضلمة.. 10 تصريحات لـ شيرين بعد كتب كتابها على حسام حبيب للمرة الثانية
شهدت الساعات الأخيرة، تصدر الفنانة شيرين عبد الوهاب لمحركات البحث جوجل، وذلك بعد أن فاجأت الجميع بـ كتب كتابها على حسام حبيب، وذلك بعد الأزمات المتعددة التي حدثت بين الثنائي، لذلك نستعرض لكم أبرز 10 تصريحات لـ شيرين عبد الوهاب بعد كتب كتابها على حسام حبيب.
تصريحات شيرين عبد الوهاب
- أنا اتكتب كتابي على حسام حبيب إمبارح بالليل، وحسام من أقنعني بالإسراع في تلك الخطوة.
- أنا في عصمة راجل طيب جدًا، بعتذر لحسام عن أي كلام صدر مني في يوم من الأيام،
- اللي حصل ما بينا شيطان بيحصل بين أي اثنين متزوجين، إحنا ضحية حاجات كبيرة أوي والحمد لله ربنا فكها بسلام.
- أنا مستاهلش أعيش في الضلمة أو أعيش خايفة من أي حاجة.
- أنا عارفة إن الناس هتقول عليا أيه، بس أنا زي أي بنت مصرية بتعبر عن إحساسها
- حبي لحسام حبيب على المشاع، وهو حب حياتي.
- شكرا إنكم افتكرتوني، وأنا بشكر كل الناس اللي قالوا كلمة حلوة واللي قال كلمة وحشة.
- فترة وجودي المستشفى كانت صعبة، لكني استفدت منها وحولتها لمنحة، واستشعرت قيمة حب الحياة
- أنا لسة بحب حسام حبيب، وسيدنا محمد الناس اختلفوا عليه، لما نشوف حكايته وناخده قدوة لينا.
- أنا في أمان لأني وسطكم، وأنتم ضهر ليا، وبأكد إن عائلته ناس طيبين وكويسين.
تصريحات حسام حبيب
بعد دخول شيرين عبد الوهاب لـ مستشفى، خرج حسام حبيب عن صمته، وسرد بعض التفاصيل الهامة عن أزماته مع شيرين عبد الوهاب، لذلك نستعرض لكم أبرز تصريحاته التلفزيونية.
- شيرين كانت بتستنجد بيا عشان تخرج من المحيط اللي هي فيه
- لما اتجوزت شيرين كان عندي فلوس أكتر منها وعمري ما خدت جنيه، وفيه ناس كان بيحالوا يفرقونا.
- كنا بنتخانق أنا وشيرين ودخلت حلقت شعرها وطلعتلي وأول ما شُفتها أغمى عليا
- علاقتي بـ شيرين عمرها ما كانت علاقة سامة، وقمة العذاب اللي إحنا فيه
- لا يمكن يكون ليا دعوة بـ إدمان شيرين ودا كان سبب خلافنا وكنت بنصحها دايما.
أزمة شيرين عبد الوهاب وشقيقها
وبعد دخول شيرين عبد الوهاب المستشفى، سرد شقيق شيرين بعد الوهاب تفاصيل مرضها وعلاقتها بحسام حبيب، قائلا: أختي بتتعرض لعصابة حسام حبيب وسارة الطباخ، ولو رقبتي هتطير وآخر يوم في عمري مش هخرّج أختي من المستشفى إلا وهي كويسة.
وخلال مداخلة شيرين عبد الوهاب الأخيرة، تنازلت شيرين عن جميع القضايا المرفوعة ضد شقيقها قائلة: مش ممكن أخلي أمي تبات يوم واحد بتبكي على مخدتها علشان ابنها وبنتها، وأنا بتنازل عن حقي والحمد لله.
أزمات شيرين عبد الوهاب وحسام حبيب
وفي عام 2021، انفصلت شيرين عبد الوهاب عن حسام حبيب، بسبب عدة أزمات، وبعد انفصالها هاجمت شيرين عبد الوهاب حسام حبيب، وذلك خلال مداخلتها في أحد البرامج التلفزيونية فقالت:
- حسام حبيب خسرني أمي وأصحابي والسواق بتاعي، وشايف كل الناس متآمرة عليه، فصدقته ولكن الحقيقة مش كده، ولازم يتعالج نفسيا.
- اتطلقنا طلاق بائن لما قصيت شعري، وبعد ما هديت حسيت إنه أنا مش قادرة أستغنى عنه وبحبه وليه مديلوش فرصة تانية!
- حسام حبيب قالي إني تخنت وبقيت شبه أمي وهو عايز واحدة يتباهى بيها قدام الناس.
- حسام حبيب ضربني وسحلني على الأرض وهو اللي حلقلي شعري
- أنا ست قوية، واتظلمت.. وظلمت نفسي، حسام لازم يتعالج نفسيا.
- موضوع حسام حبيب اتقفل، وأتجوز الفيل أبو زلومة ومتجوزوش
- حسام حبيب كان بيمثل عليا، وأنا طلعت بنت أصول.
- حسام حبيب كرهني في بناتي، معندوش شغل وكان فاضيلي.
- كنت فاكرة إني بحاول أحافظ على بيتي.. بس مكانش بيت، كان مصيدة فيران.
- كنت محبوسة في أوضة نومي 24 ساعة في اليوم.. وعايشة مع زوج مبيشتغلش.
