بروح الشغل وبتجيب عشيقها البيت.. فران يتهم زوجته بالزنا في القليوبية
اتهم أحد الأشخاص يدعى م.ع، زوجته وتدعى ن.س، بالزنا، وارتباطها بأحد الأشخاص كان يتردد على منزله في غيابه ويقيم معها علاقة آثمة، وذلك في أثناء تواجد الشاكي بالعمل بأحد الأفران بمنطقة القلج في محافظة القليوبية، كما غادرت المتهمة مسكن الزوجية رفقة أبنائها وعشيقها، واستولت على جميع المنقولات ومحتويات المنزل وانتقلوا إلى منطقة جمصة، وعندما أعادت الأبناء إلى أبيهم، أخبروه بخيانتها له.
فران يتهم زوجته بالزنا في القلج
وحرر الشاكي محضرا بقسم الشرطة وتمت إحالة القضية إلى جهات التحقيق التي استدعته، للاستماع إلى أقواله وجاءت كالآتي: اسمي م. ع، 45 سنة، أعمل فران مقيم بالقلج بمركز الخانكة بالقليوبية، واللي حصل إن من بعد عيد الضحية كنت في الشغل ورجعت لقيت مراتي واخده العزال كله ومشيت، واتفاجئت إنها خدت العيال وإنها ولا موجودة في بيت أهلها ولا أي بیت، وفضلت أدور عليها في كل مكان عند أهلها، وهما قالولي إننا مانعرفش عنها حاجة، ومن 3 أسابيع لقيت ولادي جايين عند الفرن اللي أنا شغال فيه وبعدين عرفت إنهم كانوا في جمصة، بس معرفش فين المسكن اللي هما قاعدين فيه.
وأضاف الشاكي: بعدين لقيت العيال بيقولولي إن في واحد بيقولوه عمو وأمهم بتقوله يا بودي عايش معاها حاليا في الشقة في جمصة، وإن هو كل مرة ييجي فيها كان بيخرج العيال من الشقة، وإن الراجل دا كان بييجي في الشقة اللي في القلج أول ما أنا بروح الشغل، وإن في مرة العيال شافت أمهم والراجل دا قالعين هدومهم وخارجين من الحمام، وأنا لما عرفت عملت فيها المحضر دا، وده كل اللي حصل.
